الحباس المغربي "باستيا" اللي هرب من اسبانيا ورون بوليس أوروبا تشد فمحطة الترانات فألمانيا

karim.elsoufi29@gmail.com
قالت تقارير إخبارية، أن المغربي اللي هرب من سجن الكالا ميكو ف مدريد، يوم 23 دجنبر 2023، وتحول إلى أبرز المطلوبين المبحوث عنهم من طرف اليوروبول، بسباب التورط ديالو ف جريمتي قتل، تشد فمحطة الطرانات ديال لايبزيغ بألمانيا.
وقالت مواقع إسبانية، أن شبكة (ENFAST) الأمنية الأوروبية المكلفة بتعقب المبحوث عنهم هي اللي قدرات تتعقب التحركات ديالو وتنفذ بالتنسيق مع فرقة أمنية عملية الاعتقال ديال الملقب (El Pastilla).
وكان المعني بالأمر مشدود احتياطيا ف مؤسسة الكالا ميكو العقابية ف مدريد على خلفية تحقيق ف تهمة ارتكابه لجريمتي قتل، وقدر يهرب مستغلا الشبه الكبير ديالو بخوه اللي جا يشوفو. وعاقبات السلطات الإسبانية عدد من المسؤولين ف السجن المذكور بسباب الإهمال المهني اللي نتج عنو هروب (El Pastilla)..