الطبيب لي تسبب فوفاة رضيع فكلينيك الزيتون بسطات طلع خدام في البيبليك و واش عندو الترخيص وللا المندوب ضارب عليه الطم؟

توصلات "كود" بمعطيات جديدة كتخص فضيحة مصحة الزيتون بسطات للي تقتل فيها رضيع أثناء الولادة ديالو بداية هاد الشهر، كتفيد أن الطبيب للي ولد المراة او مات ليها الرضيع بهاد المصحة، وضربات عليه الطم وخلات الوالدين مصدومين ومهمومين، هاد الطبيب للي ولد المراة، متقول مصادر كود أنه خدام فالقطاع العام، والسؤال هو أن هاد الطبيب لي هو صاحب المندوب ديال الصحة فسطات، واش عندو رخصة من الجهات المعنية باش يخدم في مصحة خاصة أو أن هاد المندوب ممسوقش وخلاه يمشي اشتاغل في القطاع الخاص وبالضبط في مصحة الزيتون .
المصدر ذاته قال، بللي الوثائق للي حصلات عليها عائلة الرضيع، ولي نشرات "كود" شي حاجة منها، (الوثائق) مختمومة باسم طبيب آخر محضرش للولادة ديال المرأة، وهادي مدة مبانش او أن العيادة ديالو ولي كينا وسط مدينة سطات خدام فيها واحد الطبيب ديال القطاع العام .
دبا واش هذا الفضايح والفوضى لي واقعة في قطاع الصحة بسطات ما كتستوجبش تدخل الوزارة باش تعرف شنو واقع او تحاسب المسؤولين الجهويين والإقليمين على هذا التغاضي على غياب الأطر الطبية ولي كتعتبر مستشفيات الدولة عير اسم التعيين.