صاحبة دياز عجبها أكادير والمغرب

عبرت الممثلة الإسبانية luz Méndez صاحبة المغربي براهيم دياز نجم ريال مدريد الإسباني على الإعجاب ديالها بمدينة أكادير، اللي جات لها باش تشجع صاحبها فأول ظهور له مع المنتخب المغربي.
وكتستغل luz Mendez التواجد ديالها فأكادير لاكتشاف سحر منطقة سوس والجمال ديالها والتراث والتقاليد المغربية، ولبست القفطان المغربي ونقشات الحنة فيديها وزارت بلايص فيهم البني التقليدي المغربي، وهذا الشي بارطاجاتو الممثلة الإسبانية مولات ال25 عام مع المتابعين ديالها فأنستغرام.
وكاينة Luz Mendez أيام هادي فأكادير هي والعائلة ديال براهيم دياز، وحضرو للماتش الودي الاول ديال المنتخب المغربي ضد أنگولا الجمعة الماضي وشجعوه، وغيحضرو ماتش اليوم الثلاثاء ضد موريتانيا.