واش تذلاوي ديال "المدى" كيدير المعارضة للحكومة فالظل. الراجل اللي كيقدم راسو الاقوى فالهولدينگ قلبها سياسة وكيهيج بيادقو ضد سياسة الحكومة الاقتصادية

شي حد اسمو مجيد تذلاوي. صفتو انو كيقدم راسو الرجل القوي فالهولدينگ الملكي "المدى". فلوراق مكلف ب"اونابار" و"فيني بروسيت" وكثر من هاد الشي كيقول باللي هو يد محمد منير الماجيدي مدير الكتابة الخاصة المكلف بتدبير الهولدينگ وسبق وصرح ل"جون افريك" فشتنبر 2014 باللي هو اللي جاب الرئيس المدير العام حسن الورياغلي اللي جا فبلاصة حسن بوهمو.
هاد الراجل اللي كيعتاقد قوي بزاف فالبلاد قلبها سياسة ولكن كيديرها بالبيادق ديالو. هجوم الباطرونا على الحكومة العام اللي فات٬ حسب مصادر من الاتحاد العام لمقاولات المغرب ل"كود"٬ كانت بايحاء منو. وفق مصادر "كود" "هو اللي دفع الباطرونا تخرج تنتاقد سياسة الحكومة. مصادر "كود" اكدات باللي ورا هاد الشي كان مجيد تزلاوي.
الباطرونا كانت قالت باللي التدابير اللي تاخذاتها الحكومة ماشي كافية لتحقيق انتعاش اقتصادي فعلي خاصة فالقطاعات الاكثر تضررا من تداعيات "كورونا" وتأسفات على كون والاستجابة العاجلة التي تمت ملاحظتها في بداية الأزمة، لا سيما في إطار لجنة اليقظة الاقتصادية، لم تعد ملموسة اليوم، في الوقت الذي أصبحت الشركات مهددة بالإفلاس، وبالتالي تهديد مناصب الشغل. وباللي الحكومة كتأخر فالتعاطي مع عدد من القضايا التي تهم المقاولات
رئيس الحكومة عزيز اخنوش كان رد على هاد الانتقادات فمجلس المستشارين ديك الوقت وبالضبط يوم 20 دجنبر 2023 باللي حكومتو تاخدات عدد كبير من القرارات التي تصب في اتجاه معالجة تداعيات جائحة "كوفيد 19" على المقاولات. وأضاف أخنوش بنبرة من السخرية، أن "الشيء الوحيد الذي تأخرت الحكومة في القيام به هو رفع فاتورة الكهرباء على المقاولات"، وذلك حفاظا على تنافسيتها، رغم ما تمليه السياقات الدولية من دوافع منطقية للإقدام على هذا القرار، لاسيما وأن أسعار الكهرباء ارتفعت بشكل غير مسبوق في مختلف دول العالم، وسعره في المغرب أقل ب50 في المائة، مقارنة بعدد من الدول.
وأشار أخنوش فديك لوقيتة إلى أن الحكومة التي يترأسها لا تحتاج إلا لشهادة حق بخصوص المجهودات التي تقوم بها لدعم المقاولات، مذكرا رئيس "الباطرونا" بأن الحكومة صرفت حوالي 20 مليار درهم للمقاولات في السنتين الأخيرتين، كمتأخرات عن الضريبة على القيمة المضافة.
دابا هاد تذلاوي ما منتخب ما رئيس المجموعة ما عندو صفة من غير قربو من الماجيدي٬ باش يدير المعارضة او ينتاقد الحكومة. غير هو كيعتابر راسو فوق كلشي. حتى اللي كينتاقدو كيهددو بالحبس كاع. السيد اللي قلبها هاد ليام تريتور فرويال المنصور فكازا كيعرض على صحابو وكيخيرهم بين لعشا ولغدا وولى مقيم دائم فيه٬ كيزيد يوهم رجال الاعمال بقوتو. كيعرض حتى على ناس من الاحرار. ياكما كيوجد شي حاجة اخرى؟