الوزير إدريس الأزمي يحكي ل " كود " قصة أول يوم صامه في حياته وكيف كان نجم طاولة الإفطار ويتحدث عن الترمضينة وأين يقضي وقته قبل وبعد الفطور ويعلن عبر "كود" ويكشف انه كيتقضى بنفسو وكيحب الطواجن

" كود '' أش نا هي ذكرياتك مع رمضان أول مرة صمتي والهدية اللي خديتي ؟
ردتيني لسنين بعيدة، مهم أول يوم ما يمكنش نعقل شحال كان السن ديالي بالضبط ولكن كنت باقي محقش عليا الصيام أكيد، هداك النهار كنت نجم الطاولة ديال الإفطار، أو جلست في مكان في الوسط معزز مكرم


‎" كود '' واش كملت النهار أولا كنت كتخيط بين نص نهار أو نهار لي تابعو ؟
لا ما مخيطش صمت اليوم كاملا. هاد التخييطة كنا كنديروها مرة مرة.
‎ " كود '' واش سبق ليكك ترمضنتي على شي واحد خلال شهر الصيام ؟

لا أبدا، أن أتعجب لعملية الترمضين هذه، واش هي نفسية أو جسدية ؟ ناس كتبان بحال إلا ماصيماش كتكون عندها واحد القوة للخصام في آخر النهار عجيبة وأستغرب لها دئما.
‎ " كود '' فاش كدوز الوقت باش تجيب الفطور، وبعد وجبة الإفطار آش كادير؟
غالبا وسط الأسبوع العمل المسجد وقراءة القرآن، وفي أيام العطل المنزل أولا كنمشي السوق نتقضى دبا ياله لقيتيني داخل من السوق تقضيت الخضرة. من بعد الفطور غالبا مباشر للمسجد لأداء صلات العشاء والتراويح.

‎" كود '' شناهوما الشهيوات لي كتبغيهم يكونوا حاضرين في مائدة الإفطار؟
الحاجة المالحة غالبا طويجنات، الحلويات ماعنديش معها بزاف.