دابا شكون كيحمنا فهاد البلاد غير السعيد؟ العلمي سب الماجيدي وهو يقطع عليه الما والضو وما خلاش ليه حتى باش يتوضى

عبد الهادي العلمي رجل الاعمال ومالك "لوتون" و"مغرب اليوم" و"الخبر" حصل حصلة كبيرة. السيد اللي هاجم محمد منير الماجيدي مدير الكتابة الخاصة للملك والرجل اللي باقي قوي واخا الهمة همشو شوية٬ عندو مشاكل. علمت "كود" ان مطابع "ماروك سوار" اللي كيتحكم فيها الماجيدي ويعين اللي بغى فيها وفمطبوعاتها٬ رفضت ان طبع منشورات الملياردير العلمي.
الماجيدي ما غاديش يرضى باللي العلمي سبو وكال بانه يشكل خطرا على المغرب لانه يمثل اقتصاد الريع في المملكة المغربية وهو يعطي اوامرو توقف مطبوعات العلمي.
وكشفت مصادر ان مطبعة ماروك سوار رفضت بشكل قاطع طبع منشورات العلمي بسبب المتؤخرات المالية، والتي كانت ماروك سوار تتغاضى عنها قبل ان "يسخن الراس" على العلمي ويهاجم الماجيدي.
مصدر اخر ل"كود" قال ل"كود" ان خرجة العلمي نوع من الابتزاز للماجيدي لانه اوقف جميع الاعلانات الخاصة بالشركة الوطنية للاستثمار بالاضافة الى ديون على الشركة ل"ماروك سوار" تصل الى 700 مليون سنتيم
المهم القضية اللي بينات ان المخزن مضارب مع راسو وبينات ان الماجيدي مازال يلجأ الى نفس اساليب ما قبل 20 فبراير 2011