حشومة عليك يا الوفد اللي مشى لمصر وترأسو اوريد: حقاش عرض عليكم سيمانا فابور رجعتو ديكتاتور مصر السيسي بحالو بحال محمد السادس

صورة معبرة ملخصة للهدف من زيارة 30 واحد من المغرب من ميادين مختلفة يقودهم حسن اوريد مؤرخ المملكة وهاد الشي اللي كال بفمو فحوار. الصورة من شرم الشيخ. اصطف مغاربة السيسي باش يوقع بعضهم على صورة كبيرة تجمع الرئيس المصري عبد الفتاح السيسي بملك المغرب محمد السادس. الصورة منفرة حقاش وزارة السياحة وسفير مصر بالمغرب عندو هم واحد بعد ما ضربات مصر فسياحتها هو يدي ليها مغاربة، هاد الشي عادي ولكن اللي ما عاديش هو ان بعض هاد المغاربة وقعو على صورة رجلي الدولة محمد السادس وعبد الفتاح السيسي. بحال ايلى كي السيسي كي محمد السادس. راه السيسي عندو تاريخ دموي قبل ما يوصل للسلطة وما كايناش اوجه المقارنة مع المغرب.
توقيع فنانين على ديك الصورة هي جعل رئيس مصر كي ملك المغرب والفرق كبير وبزاف.
كان على السي حسن اوريد اللي خرج بتصريح فبداية الزيارة بانه لا يطبع مع نظام السيسي وخرج فتصريح فاخر الزيارة انه هو رئيس الوفد وبان ماشي غير طبع بل اكثر من داك الشي٬ كان عليه يرد بالو ولا غير حقاش عرضو عليه وتهلاو فيه نسى باللي صاحبو اللي قرا معاه ايام المدرسة المولوية راه ماشي هو الجينرال اللي غادي يذكرو التاريخ برابعة العدوية بالدم وباحكام الاعدام ،،،،،،،