ها الفرشة بدات بين الوفد المغربي اللي عرض عليه الجينرال السيسي. وحدة معروضة ما حتى حاجة وداوها وفرشاتهم: انتوما لمغاربة ما عارفين والو حنا جايين على شان السياحة واوريد بغى يصطحنا: زيارة لدعم الشعب المصري

فضيحة زيارة الوفد المغربي المكون من 30 ممثل وكاتب وصحافي … وشي وحدات ما والو، الى مصر بدعوة من الجينرال اللي قسم بلادو عبد الفتاح السيسي غادية وتكبار. المثقف اللي عزيز عليه يعطي الدروس حسن اوريد اللي قرا مع الملك وكان ناطق رسمي للقصر الملكي … كال فتصريح ل"لكم" ان زيارة الوفد المغربي "هي لدعم الشعب المصري" وان الوفد "ليست له اجندة سياسية". طبعا الفرشة جاتو من وحدة ما عارف حتى شي واحد علاش مشات وهي ليلى الحديوي. ما هي ممثلة باستثناء دور قديم لعباتو مع عبد الكريم الدرقاوي هادي سنين ولا هي فنانة ….هادي دارت فيديو كالت فيه "حنا جايين على شان السياحة" كالتها بالمصرية.
هاد السيدة سبات لمغاربة وكالت "انتوما لمغاربة ما عارفين والو. غير هادرين". طبعا ما عارفين والو باش بحالك يعرض عليهم نظام بحال السيسي ما غادي حتى يفهم شي حاجة.
مصر تعاني وسفيرها في الرباط يحاول ان ينشط سياحتها واختار صحابو ومعارفو باش يزورو الدولة ويشكرو الدولة. هادي بوحدها شوهة كبيرة لهادوك الكتاب والفنانين والصحافيين والسينمائيين اللي مشاو قابلين اسبوع