اسماء غربي ورشيد هل لغلام ///// دابا هاد القيامة كاملة ناضت فالمغرب بسباب كلب مدام الكتاني مول التجاري وفا ديال الهولدينك الملكي "الشركة المغربية للاستثمار". الرئيس المدير العام ل"الخطوط الملكية المغربية" =لارام" طيروه وجابو عدو اللي ما فيدوش ومن المحسوبين على منير الماجيدي مدير الكتابة الخاصة للملك ومحسوب حتى على ياسر الزناكي المستشار الملكي حقاش هو اللي جابو للمكتب الوطني للسياحة باش كان وزير على القطاع. اللي بقى فبلاصتو وما دارو ليه والو هو محمد الكتاني. عائلتو راه عندها سوابق في احتقار المغاربة. "كود" كانت سباقة الي نشر حادثة سير ارتكبتها بنته شهر شتنبر 2015 بمراكش. كانت ف"الكات كات" وضربات واحد السيد ومات. بنت الرجل المحمي واحد رجالات منير الماجيدي ما وقع ليها والو. القضية تجمعات وحسب مصدر "كود" دورو مع عائلة القتيل. كون اي مواطن ماشي بنت الكتاني هو تم اعتقاله فورا وما يطلقوهش حتى يقدموه ماشي يتابعوه فحالة سراح ويخرج منها الفضيحة لكبيرة ان الماجيدي من خلال الاعلام ديالو باغي يغلط الرأي العام وكيعطي تفسيرات وهمية لحادث اعفاء بنهيمة وتعويضه لعدو. مسؤول حكومي اكد ل"كود" ان سبب الاقالة "كلب مدام الكتاني". يعني هي النقطة اللي افاضت الكأس. فاض غير على بنهيمة حقاش ما عمرو كان لا ديال الماجيدي ولا ديال الهمة. كان بحالو بحال مصطفى التراب وعبد اللطيف لجواهري دياول ريوسهم وكيخدمو وما محتاجينش مظلات. ودابا هاد الكتاني نهاراش يخلص اللي تسببات فيه عائلتو. طالما عندو مظلة كبيرة غير ينعس على جنب الراحة
