إذا كانت النتائج النهائية للانتخابات الجماعية والجهوية ل 4 شتنبر، أسفرت عن مفاجأت غير سارة لبعض زعماء أحزاب المعارضة، فالمرشحين ديال حزب الأغلبي سواء اللوائح الجماعية أو الجهوية حمرو وجه بنكيران. إدريس الأزمي الإدريسي من بين المرشحين اللي بصمو على نصر انتخابي استثنائي بفاس، أما عبد العزيز العماري فهاذ العام كان عليه مبارك ومسعود.. تعين وزير في النسخة الثالثة من حكومة ابن كيران وفاز بعمودية العاصمة الاقتصادية. نفس الأمر بالنسبة لعبد العزيز الرباح ولحسن الداودي، اللي كيبان أن الطريق معبدة ليهم أذا ما اختاروا خوض تجربة رئاسة الجهات.
استوزار عبد العزيز العماري جا في وقته، لأن الوزير السابق الحبيب الشوباني كانت عندو مشاكل مع فعاليات مجتمعية بسبب الحوار الوطني حول المجتمع المدني. الحس الديبلوماسي وقربه من بنكيران والطبيعة الهادئة ديالو كان ليها دور كبير في تجربته الحكومية والنيابية.
العماري انتخب نائبا برلمانية عن دائرة عين السبع الحي المحمدي لثلاث ولايات. اليوم عين العماري على رئاسة المجلس الجماعي ديال كازا وهاذ الشي اللي تأكد مع التصريحات الأخيرة ديال بنكيران.
إدريس الأزمي الإدريسي.. طيح شباط بالكاو
ماشي عبثا تم اختياره منافس لشباط بفاس. الأزمي معروف بنظافة اليد ديالو والخدمة بزاف والهضرة قليلة. الأزمي معروف بورعه وبقربه من الأمين العام لحزب العدالة والتنمية عبد الإله ابن كيران، اللي تمسك بيه خلال التعديل الحكومي. في اول تصريح له بعد الاعلان عن النتائج بفاس، اعتبر أن عهد الفساد انتهى بفاس وخاطب الناس الخيريين اللي عندهم النفس على فاس باش يتعاونو معاه.
لحسن الداودي.. مرضي الوالدين والناس ديالو
لحسن الداودي كيعيش في عالم حزبي خاص بيه. معروف بكثرة الإنصات لمحاوريه والمحبة الخاصة لولاد المنطقة ديالو اللي ما كينساش يتواصل معاهم ويقضي أغراضهم على حسب الاستطاعة ديالو. خلال هاذ الانتخابات جاو بزاف ديال الناس للمهرجان الخطابي ديالو. لحسن الداودي ترشح كوكيل للائحة الجهوية بني ملالخنيفرة، وما شي بعيد باش يترأسها.
حقق حزب العدالة والتنمية انتصار كبير خلال الانتخابات الجماعية التي شهدها إقليمالقنيطرة. الحزب انتزع ل201 من المقاعد، متقدما على حزبي الاتحاد الدستوري اللي حاز على 131 مقعدا، ووالأصالة والمعاصرة اللي فاز ب 85 مقعدا. هاذ الشي كيفسر على أن الرباح اللي كيترأس المجلس البلدي عندو شعبية كبيرة. وحتا هو ماشي بعيد باش يولي رئيس جهة الرباطسلاالقنيطرة.
