سالينا سالينا وشوهتنا كبيرة ومدير "ميدي 1 تي في" طلع عيان وضعيف الشخصية. هاداك المراكشي تصور مع الملك الغد رجع للقناة وكياخد 30 الف درهم: كيفاش كنشجعو العيانين اللي ما فيديهمش

شوهة كبيرة بزاف وقعات اخيرا. كنا كلنا ف"كود" نبهنا لو وقع. واحد المنشط كان فالرياضية ومثل مع حسن الفد وولى كيقدم برنامج ف"ميدي 1 تي في" تطرد من القناة وسمر للملك فشارع المسيرة بالدار البيضاء٬ وبقى حتى تلاقاه وتصور معاه وطلبو. الفضيحة لكبيرة ان هاد السيد يومين رجع للخدمة. حسب مصدر ل"كود" فانه توصل برسالة مفادها يمشي يرجع لخدمتو. السيد الاثنين بقى ناعس حتى الوحدة ومشى للرباط لمقر القناة هناك ودخل وكآن شيئا لم يقع تشرح مصادر "كود" وبراتب قد يكون في حدود 30 الف درهم.
رواية اخرى تذهب الى انه تحصل على رسالة من الحاجب الملكي بها عاد الى العمل. المهم هادي فضيحة فضيحة. لانه رجع للخدمة باش تلاقى مع الملك. ماشي اللي عندو مشكلة فالخدمة خاصو يسمر على محمد السادس اشهر واشهر باش يرجع لخدمتو واخا ماشي حقو. اللي كيعرف يسري المراكشي وخدم معاه كيعرف باللي ما فيدوش اعباد لله. المغرب خاصو يدعم اللي كيخدم اللي كيستحق. علاش هاد المدير الجديد حسن خيار ضعيف الشخصية بحال هاكا، علاش قبل يرجع واحد ضعيف ويتخلص بزاف وما يدير حتى زفتة.