المدعوا رضوان أسرموح صاحب البرنامج "المسخرة (سكيزوفرين) الذي حطم من خلاله كل أماني الماسونيين الاشرار لسيطرة على هذا العالم، وللي كان كيحارب فيه على غرار ذلك أيضا العلمانيين والحداثيين المنحلين،للي باغيين يخرجو على أخلاق المغاربة ، حصل حسب ما تداوله بعض النشطاء في الفيس كينصب على عباد الله بذريعة ان باه مريض وخصو يدير اوبيراسيو، ومحتاج للفلوس ،وحسب ما صرحت لي به واحد السيدة فضلت عدم ذكر إسمها( زوجها موظف في لكازينو ) أن هاد "رضوان"كيجي للكازينو magazane بالجديدة بشكل اسبوعي من لويكاند،لويكاند تقريبا ،وعندو بطاقة الانخراط،ولكن ماكيستعملهاش باش مايتفرش، وعلى ظهر بو كليخ ولحوالا دار واحد طوموبيل هوناداي يلاه خداها دوبل في ، وأضافت إستنادا للمعلومات التي كان يتداولها في صفحته ومع أصدقائه أن كحل العفطة هادشي ديال النصب كان كيوجد ليه من شحال هادي حسي مسي , وكان فاتح شركة maroc media company ،وداير جميعة ديال الفنون , و بالاضافة لهذا عندو شراكة مع واحد الكلوب فالجديدة سميتو leo club iga كاينضم حفلات غنائية و كايجيبو بزاف ديال الفنانين و كايخلصوهم بالملاين، و طبعا الشركة ديال هاد أسرموح هي الراعي الرسمي ديال الحفل و دائما قبل أي حفل كايديرهاد الفيديو كايقولك عندو مشاكل ، ولماسونيين الاشرار واقفين ليه فطريقو و سدو جوجل أدسنس مسيكين ،و من بعد ماكاتهضر معاه فالواتساب إذا لقا رقم مغربي كايخليلك vu و إذا كان رقم من الخارج كايجاوبك فالبلاصة… الشيء المثير للعجب العجاب من ورا هادشي كلو لي تنشر على با رضوان ،والذي يثبت ان باه مامريض ماولو ،وان السيد نصاب محترف ،هو دوك لحوالا لي بانو كيدافعو عليه وبررو ظهوره في الكازينو بانه يقدر مسكين غي كيجمع لباه لفلوس حيتاش بغا يموت، زعما طارت معزة (وهو نيت عاود من واحد الناحية صراحة تا هادشي ديال محاربة العلمانيين والماسونية را كيكلف مصاريف بزاااف ، منين غيجيب هو مسكين باش يوقف في وجه لماسونيين منييين؟) او يقدر يكون هادشي كيفما قال الناشط يونس القاهيري ذنوب لبنى ابيضار ولطيفة احرار خرجو فيه )ذنوب بني علمان هاديك ، هو اصلا ما وقر حتى شي حد ،داكشي باش تشهر، وهادي كان فيها ذكي، لانه أسهل وسيلة باش يذيع صيتك عند الغوغاء هو تركب على شي بوز وتخشي فيه الدين والتمسكين والخ وها لحوالا غيبداو يصفقو ليك) وكيفما قالت جليلة شان أصلا بنادم لي تيتفرج في سكيزوفرين أو متبعو في صفحتو أو داير ليه غير جيم لا هوا لا مول الكاسكيطة ولا سار .. راه ماشي غير خاصو يتنصب عليه ،خاصو الاعدام في ميدان عام بدون محاكم (ورا كاين شي بنادم بحال ايلا ساكن لديلمو فراسو شي حمار حيت من المفترض هادشي ديال سقوط بحال هاد الاصنام تباعا بحال الشيخصار وابوجاد ومول لكاسكيطة خاص لواحد يجمع يطوي ويعيق بللا داكشي كلو را غي تانصابت، ويني للاسف الشديد طالما بحال هاد بنام كيوظفو الدين باش يصورو طريف ديال الخبز ،صعب جدا باش تشكك في نواياهم ،حيتاش غادي يتهموك الاتباع او بمعنى ادق لحوالا ديالو بأنك كتحارب الدين ، ومهم ختاما وباش مانتسماوش داويين خاويين …..ها ما يثبت ان "خونا رمان" مجرد نصاب بحالو بحال غيرو من تجار الدين
