النشرة الفيسبوكية: شوفوني كينشري للفقرا العيد: كيفاش عادل الميلودي ضرب هاشتاگ "كلنا معيدين" اللي طلقو صويلح وتبعو باسو وموس ماهر وطلع النيفو بزاف: شرا 10 لحوالا

شوفوي كنشري العيد. اخر موضة ديال شي فنانة مغاربة. عاودو اللي كان دارو العام اللي فات وبطريقة اكثر ذكاء بدر هاري. هاد المبادرة طلقات مستوى الافتراضي ,قام مجموعة من الفنانيين بإطلاق حملة تحت شعار كلنا معيدين. قيل أنها بدأت مع {الفكاهي} صويلح لي قام بتصوير فيديو كيعطي فيه مبلغ مالي قيمته الفين درهم لأحد العائلات. وتحدى باسو باش يدير بحالو ,و لي إستجاب في حينه٬ وبدورو غيصور فيديو من باب التوثيق وغيقوم بدعوة موس ماهر باش يدير نفس العملية تاهوا.
هذا بالإضافة {{للكوميدي}} حمزة الفيلالي, و مجموعة اخرى من الفنانيين للي غيدخلو على لخط من بعد حسب تصريحهم ,وغيستجابو لهاد البادرة التضامنية
وللي من المنتظر أنه غالبا وحسب المؤشرات الاولى غتلقى واحد الإقبال جد موسع
غير أنه يبقى الفنان القديير جدا, عادل الميلودي لي عندو تاريخ ماشي غي هضرا فريح فهادشي ديال الحسنات ,هو الوحيد للي قدر يتحدى الملل ويعلي السقف, وخدا بمدينة القنيطرة ما يقرب عن عشرة ديال لحوالا دفعة واحدة بثمن خمسين ألف لواحد , وتبرع بهم "كعادته" لبعض الأسر المعوزة
هذا وقد تفاعلت بشكل إيجابي العديد من الصفحات وبعض رواد لفيسبوك مع هاد البادرة ولهاشتاج,
فيما بالنسبة للنشطاء "المرموقين" فقد كان التجاوب نوعا ما قليلا,و ربما هذا يعود لكون الحملة لا تزال في بداية إنطلاقها
وهادي كانت بعض التدوينات حول الموضوع نبداوها مع "عدو النجاح" القصبي إسماعيل لي كتب ساخرا :
شي شباب مغمورين يدعون أنهم فنانين ناضو دارو حملة تحدي لبعضياتهم ومصدعين لوقت. واهيا ناري واهيا شرينا حولي واهيا لحسنات.ناض الاخ قائد الثورة شرا عشرة بخمسين الف لواحد وصورها لايف .ليثبت للعالم أنه سيبقى فنانا شامخا يعلو ولا يعلى عليه. الميلودي شد فصحاب "كلشي معيدين" وحشى ليهم الهضرة
بينما كتب الناشط حميد مسافي في منشور له :
وبقا كتقشّب انت على الميلودي و موس ماهر وكتعالى بداك الذوق ديال ماجدة الرومي وكاظم الساهر و ميتاليكا و البلوز وإلخ … هاهوما بفضلهم اليوم أسر كثيرة غادي تعيّد … واش هاديك الأسر غادي يعيد ليها السبّيد ديال BBking … الفنان هو لي كيحسّ بالمقهور . انتهىَ الكلام
وعلى نفس المنوال الناشط المرتضى إعمراشى بدوره دون ما مفاده
إن شاء الله #كلنا_معيدين ، بهاد الروح التضامينة نقدرو نتجاوزو كل المشاكل ديالنا ، ونتمناو اجي نهار للي نكونو كلنا بديورنا وكلنا خدامين وكلنا ،، وكلنا آمنين على مستقبل ولادنا…….