القيامة غادية تقوم فالانتخابات. العدالة والتنمية يتهم اعوان السلطة ورجال الداخلية في بعض الجهات بعدم الحياد وبنكيران يدخل على الخط ويتصل بحصاد

القيامة اللي تكلم عليها محمد السادس في خطاب العرش بخصوص الانتخابات التشريعية لسابع اكتوبر غادية تقوم. المؤشرات الاولى ترجح هذه الفرضية. صحاب العدالة والتنمية في عدد من المدن بتاوريرت واسفي ……..بعثوا مراسلات بخصوص ما سموه تدخلات لاعوان السلطة ورجال الداخلية في دعم مرشح دون اخر او الضغط على هذا المرشح كي ينسحب من اللائحة. حسب معطيات حصلت عليها "كود" فقد توصل الامين العام لحزب البي جي دي عبد الاله بنكيران بمعطيات في هذا السياق، وحسب مصدر ل"كود" فان بنكيران قد يكون اتصل بوزير الداخلية محمد حصاد لاثارة هذا الموضوع.
حسب مصدر "كود" فان هذا الضغط ارتفع في الاونة الاخيرة اي ايام قبل اجل وضع الترشيحات.
هاد الاجواء ولات غادية وتشحن وكلشي كيفقد اعصابو قبل وضع اللائحة النهائية يعني القيامة تقدر تقوم.
هاد المشاكل كلها تتحملها حكومة بنكيران. كون النهار الاول قبلات يسند الاشراف على الانتخابات الى لجنة مستقلة ما يوقعش هاد الشي. دابا بنكيران هو المسؤول على الاشراف عليها وكاين حصاد وزير الداخلية ومصطفى الرميد وزير العدل والحريات هما اللي مشرفين بشكل مباشر ولكن كلشي عارف باللي الداخلية هي اللي المشرفة الحقيقية