انفراد. الوزيرة الحيطي انا بوحدي مضوية لبلاد: كتبكي وتشكي على البراني. كالت لمول كرانس مونتانا: مزوار اليازمي ومكوار حاربوني ف"كوب 22″ وانا عزيزة على الملك وهو اللي دافع علي وها شكون اتهمات ففضيحة الازبال الايطالية

الوزيرة المنتدبة المكلفة بالبيئة حكيمة الحيطي مشات بعيد. ولات كتشكى للاجانب من تصرفات زملاءها فالحكومة. حسب مصدر ل"كود" فانه خلال حفل غذاء دار البارج ففندق حسان بالرباط بعد الندوة الصحافية ل"كرانس مونتانا" جلسات حدا الرئيس الشرفي المؤسس لمنتدى كرانس مونتانا جون بول كارترون وبدات كتشكى. حسب مصدر "كود" فان الحيطي كالت ليه باللي كلشي بغا يهرسها ف"كوب 22″ اللي كان فمراكش وكانت فاللجنة التنظيمية. شكون يا لالة؟ قالت الحيطي وفق مصدر "كود" ان صلاح الدين مزوار وزير الخارجية والتعاون وادريس اليازمي رئيس المجلس الوطني لحقوق الانسان والسفير المغربي السابق في واشنطن عزيز مكوار. كلهم كانوا من المنظمين ديال "كوب 22". بغاو يهرسوها. اكثر من ذلك اتهمت اللي ما عندوش معاها ف"كوب 22″ باللي هو اللي خرج فضيحة الازبال الايطالية. لالة حكيمة تفكرات الحزب والحركة الشعبية ماشي بالخير طبعا
وشكون اللي كيدافع عليك يا لالة حكيمة يا لغزالة؟ كالت لهاد السيد باللي راها عزيزة على الملك وباللي هو اللي كيدافع عليها وكيدعمها وكون ما كانش هاد الدعم كون هرسوها اكثر.
باش قلبك طايب يا لالة وهاد الشي اللي متبع "كوب 22" عارفينو علاش كتعاوديه للبراني. واش كيصحاب ليك هاداك هو اللي كينظم "كرانس مونتانا" فالداخلة بصاح. راه الدولة اللي كيديرو هو غير كيتفرج. يعني مصالحو مع الدولة ماشي معاك.
"كود" حاولت الاتصال بالوزيرة شحال من مرة وديما خارج التغطية.