وا العبث هادا كولو لينا المناسبة. واش الوسام خاصو يعطيه الملك وفرنسا مالها. هاد الحيطي اللي شوهاتنا مع العالم وكالت غير الملك اللي دافع علي وكلشي حاربني كرماتها باريس وكالت فرنسا ساهمت فنجاح "كوب 22"

دابا الكوب 22″ تنظم فالمغرب ياك. نجح ولا فشل اللي خاص يعطي وسام هو رئيس الدولة المغربية اي الملك. علاش اليوم الاربعاء خدات الوزيرة المنتدبة المكلفة بالبيئة حكيمة الحيطي وسام الجمهورية الفرنسية جوقة الشرف برتبة فارس.
كاليك راه تعبير عن امتنان فرنسا للمغرب وللحيطي التي شاركت في التحضير للكوب 21 التي توجت باتفاق باريس التاريخي، مشيدا في هذا الصدد بانخراطها في مجال البيئة، وكذا دور المملكة في مجال المناخ.
اولا انتي افرنسا اش عرفك واش فراسك الحيطي كانت غادية تخرج على المغرب كلو بفضيحة ازبال ايطاليا. وبلا هاد الشي شكون انتي يا فرنسا حتى تكولي هاد السيدة نجحات الكوب 22 وهادي اللا.
المشكلة طبعا ففرنسا وفالحيطي. كاليك فابيوس اشاد بانخراط الحيطي فقضايا البيئة. طبعا السيدة شوهاتنا فالعالم باستيراد الازبال الايطالية.
الفضيحة ان هاد الحيطي بوجهها احمر قالت "المملكة واكبت فرنسا في تنظيم الكوب 21 كما ساهمت فرنسا بدورها في تنظيم مؤتمر مراكش" كيفاش هاد ساهمت فتنظيم "كوب 22″ ياك لمغاربة اللي نظموه ولا غير كذبتو علينا
المهم كلشي فهاد التكريم فضيحة. الفضيحة الاخرى انها باغية تولي خدامة فالديوان الملكي وكالت فاجنبي راه غير الملك اللي دعمني وكلشي حاربني ف"كوب 22". وخدموها فالديوان الملكي دير ليكم الطر