وشوفو ابن عرفة العدالة والتنمية فاش حادگ: يا ودي يا ودي حلينا الريف بكري. ماديها فلباس الوزراء والمندوبين السامين اللي زارو بيه الضريح

مراسلة ماعندها علاقة لا بالسياسة لا بشي حاجة اخرى. تخربيقة كبيرة وصافي دارها ابن عرفة العدالة والتنمية اللي كيراس الحكومة سعد الدين العثماني. دار رسالة يوم 30 ماي الاخير لوزير الدولة والوزراء وكتاب الدولة والمندوبين السامين والمندوب العام للسحون والموضوع وسمعو مزيان "الترتيبات المتعلقة بالزيارات الرسمية لضريح محمد الخامس". المراسلة قال فيها ابن عرفة العدالة والتنمية باللي مديرية الضريح اثارت الانتباه بان بعض الوزراء والمصالح التابعة لها ما راعاتش "المراسيم الخاصة لتنطيم الريارات الرسمية لات فتحديد المواعيد ولا تقيد الزائرين بحسن الهندام بارتداء اللباس القومي لكل بلد او كوستيم وكرافاطا او جلابة وطربوش او عمامة
ودعاهم الى احترام المواعيد واحترام الهنداس المناسب للمقام" دابا واش حشمتي ولا اللا. واش هادا مقال يكون فهاد الظروف فالمغرب. كيفاش تاخد وقتك وتكتب مراسلة والمغرب رقعة الاحتجاج فيه غادية وتتسع.
واش برئيس حكومة بحال هادا عندو الوقت يديها فلباس اللي غادي يزور الضريح يمكن نحلو مشكلة الريف. راه قلناها راه النهار الاول خرج من الخيمة مايل