التوحيد والاصلاح تبدا حربها ضد بنكيران. هيلاليها يشبه بنكيران بمطيع

يبدو أن حرب حركة التوحيد والاصلاح بدات على عبد الاله بنكيران الامين العام لحزب العدالة والتنمية ورئيس الحكومة السابق لّي فرش كولشي فهاد البلاد بما فيهم الناس لي معاه وبين ان فيهم الخوافة والطماعة وربما الخونة.
الهيلالي محمد عضو المكتب التنفيذي للتوحيد والاصلاح ومدير قسم مركزي بوزارة السكنى والتعمير، هاجم بشكل وُصف بالسافر بنكيران ولم يجد له من وصف الا المطيعية نسبة الى عبد الكريم مطيع زعيم الشبيبة الاسلامية الفار من المغرب منذ سنوات.
تهجم الهيلالي لي سبق ليه دعا الى احتلال منصات موازين جاء في تدوينة على الفيسبوك قال فيها ان بنكيران ماخاصوش يبقى يشك بحال مطيع.
هاد الهيلالي خاص لي يذكرو ان لحم كتافو من خير بنكيران وخاصو يجاوب "الاخوان" ديالو كيفاش شد مدير مركزي فوزارة السكنى، واش نبيل بنعبد الله عطاه هاديك المديرية حبا في سواد عيونه. كون مكانش بنكيران ماكانش يكون الشان للهيلالي ولا لغيرو من الناس ديال العدالة والتنمية لي اليوماراهم وزراء وبرلمانيين ومنتخبين وموظفين كبار.
هادشي كامل لان حركة التوحيد والاصلاح قررت دعم بنعرفة العدالة والتنمية وقررت تضحي ببنكيران لي جاب ليها العز باش ماتتصادمش مع النظام حسب ما تتوهم.