منيب عن منع مسيرة 20 يوليوز ل"كود": المسيرة غادي تكون وخا على أجساد النشطاء وكاين تعبئة كبيرة ويلا بغاوها متكونش خاصهوم يطلقو سراح المعتقلين

في أول خروج لها، عقب قرار منع مسيرة 20 يوليوز التي دعت إليها العديد من الهيئات السياسية والحقوقية بالحسيمة، قالت نبيلة منيب الأمينة العامة للحزب الاشتراكي الموحد، أن "النظام كيخلق شويا ديال الارتباك باش حتى الناس الملتحقين من بعيد ينقص العدد ديالهوم على الاقل وهادي داخلة فالاستراتيجية ديال النظام".
وأضافت نبيلة، في تصريح ل"كود": "اأظن يلا بغا النظام كيف طالبنا منو وطالبت الساكنة متكونش المسيرة خاصّو يطلق سراح المعتقلين وهادي هي المسألة الوحيدة اللي غادي تمنع خروج المتظاهرين والنشطاء".
وأكدت نبيلة منيب أن المسيرة غادي تكون، وأضاف ل"كود"، قائلة: "راه كاين قوافل جاية من مختلف المدن والاقاليم وكنظن لا شيء سيثني هاد المشاركين خصوصا هادوك اللي فالحسيمة والمسيرة غادي تكون وخا على أجسادهم وساكنة الريف عارفة وولفات وشافت راسهها صاحبة حق ويقابلون بالقمع الشرس واختطاف أبنائهم واعتقالتهم ظلما وعدوانا".
وزادت منيب في نفس التصريح: "هادشي كيهدد الحق ديالهوم ف الحياة كذلك والدولة لا تريد ان تنصت ومتمادية في نكرانها للواضحات وليس فقط فيما يتعلق بالملف المطلبي لكن بأصل بالداء وأصل الداء هو الفساد المسترشي فديك الجهة وغياب الديمقراطية وفساد المعينون والمنتخبون والسطو ونهب الاموال العمومية وسد الأفق أمام الشباب ودبا يلا بغاو المسيرة متكونش يطلقو سراح المعتقلين ويفتحو حوار مع الناس".