بدا الانتقام من المغاربة فكاتالونيا. شوفو اش دارو لقنصلية طاراغونا بسباب جنسية الارهابيين وها اش دارت السلطات

علمت "كود" ان السلطات المغربية اخبرت نظيرتها الاسبانية بخصوص ما تعرضت له قنصلية المغرب في طاراغونا باقليم كاتالونيا. شي حد جا فالصباح ولاح الصباغة الحمرا =في اشارة الي الدم= على لافتة القنصلية ومدخلها. لمغاربة وفق مصدر "كود" "دارو اللي كيدار فهاد المواقف وخبرو السلطات الاسبانية".
هادا اول عمل انتقامي من المغرب ساعات بعد الاعتداء الارهابي اللي شهده الاقليم =لارامبرا وسط برشلونة ومنطقة شاطئية في طاراغونا واسفرت لحد الان عن مقتل 14 شخصا بالاضافة الى 5 ارهابيين.
هاد الشي جا بعد حديث عن وجود 3 قتلى من الارهابيين مغاربة وهاد الشي مازال ما اكدو حتى مصدر رسمي اسباني للمغرب. لحد الان كاين غير ادريس اوكابير اللي شدوه ومتهم رئيسي حقاش هو اللي كرا الفوركونيط اللي دارت الجريمة الارهابية. هو كيقول باللي خوه هو مول الفعلة وهو اللي شفر وثائقو والطونوبيلة.
ويتوقع ان تقوي السلطات الاسبانية الحراسة على مبنى القنصلية.
وعلمت "كود" ان مغاربة شاركوا دقيقة صمت اليوم في كاتالونيا كما تقدم عدد منهم الى مراكز تحاقن الدم باش يعطيوه للمصابين.