غبي حكومة بنعرفة هامو التعويض. ها هو اليوم فصربيا كاليك باغي يجيب السياح

غبي حكومة ابن عرفة الجديد محمد ساجيد اللي وزير للسياحة والصناعة التقليدية والنقل الجوي والاقتصاد الاجتماعي بلا ما يكون عندو لا رأي فالسياحة ولا فالصناعة التقليدية بلا ما نهضرو على النقل الجوي والاقتصاد الاجتماعي كيدور على نفقة لمغاربة بلا ما يحشم. كيف قلنا فمقال سابق ف"كود" السي عمدة كازا السابق كيدور فصربيا. كيضحك علينا كاليك التعاون المغربي الصربي فمجال السياحة. صربيا مقودة عليهم وحنا اكثر منهم اش من سياح نجيبوهم. راه هادوك جوج قيوش اللي كاينين عندنا كيضاربو باش ياخدو منهم.
وزير عندو وزارة كبيرة وما قادش عليها٬ مشى لبلاد وكاليك غادين يديرو خط جوي مباشر. هادي قضية ديال "الخطوط الملكية المغربية" وكدار باش يربحو ماشي باش يخسرو ايلى كانت مربحة راه غادية دار ولا كانت تطلع بالخسارة حتى واحد بعقلو يديرها.
ولكن علاش هاد السي ساجيد عاطيها غير للدوران وفقضايا وفضايح كبيرة بحال اللي عرفاتها وزارتو غبر؟ هاد الجواب خاص الواحد يرجع لمرحلتو باش جابوه عمدة فكازا.
السيد سافر وفق مصادر "كود" اكثر من ستين سفرية لجميع انحاء العالم. شفتو النتيجة؟ كازا غادية ويكثر فيها الاجرام واللا نظام والازبال. الهدف هو يدور ويفوج بفلوس الدولة. عرفتو اش كان كيدير اول ما يرجع؟ كيحط ملف التعويض على النقل والاقامة واخا التذكرة بعض المرات كتكون مؤداة مسبقا. دابا وفي لاسلوبه. السيد ملياردير كبير ومع ولى وصي على النقل الجوي غادي يحيح. فلوس الشعب فين مشات. واخا قليلة ولكن فلوس الشعب