هادو اللي جات فيهم الدقة وضربهم تران الاعفاءات من الكتاب العامون وباشوات وقياد

توصلت "كود" الى لائحة بخصوص رجال السلطة اللي جات فيهم الدقة بالاضافة الى والي مراكش و6 عمال. يتعلق الامر حسب مصدر "كود" بجوج قياد بعمالة انفا ووجوج قياد وخليفة بميدلت وواحد فالصويرة واخر فتينغير وقايد بمراكش. مدير الشؤون الداخلية بولاية نفس المدينة فيه شكوك. شي كيقول طار وشي كيقول مازال.
ومدينة صفرو طارو منها جوج قياد وباشا وفطانطان طار قايد وفسيدي ايفني حتى هي. الجديدة طارو منها 3 قياد تفس العدد طار من الخميسات فيما اشتوكة طارو منها جوج قياد والمحمدية طارو منها 4 قياد وووارزازات حتى هي جوج
طبعا الرقم القياسي كان فكازا من رجالات السلطة اللي بلغ 17 ومشى رئيس دائرة من اسفي الزغبي باقية ليه 15 يوم على التقاعد. رئيس دائرة تيسا حتى هو جا فيه التران ديال الاعفاءات
الكتاب العامون اللي طارو ديال عمالات هي ايفران والشتوكة واكادير ووارزازات.