گاع المغاربة حركاتهم أغنية البولماني ! بزاف عجباتهم و شي وحدين ماعجباتهمش و من حقهم طبعا ! كاين لي قالك ما اغنية ما والو غير لومبيونص لي دارو الدراري لي كانت واعرة ! كاين لي قالك الكلمات عيانين … مهم فاش كاتجي تشوف كاتلقا لي عجباتو و لي ماعجباتوش لأسباب فنية. و لكن وسط هاد الفيلم كامل كاينة طبقة الاكليروس ! الخوانجية! الطبقة الوحيدة فالمغرب لي ضاربة الطم ! مامشاركاش فهاد الحوار حول اغنية البولماني ! زعما ماهوماش هنا ! و هادشي لاكايزيد يتبث ليا شي حاجة هي انه الخوانجية كايكرهو الفن ! و كايتخباو مورا دوك الحجج الواهية ديال بغينا ” فن نظيف” ! مابغيناش العرا ! مابغيناش كذا و كذا و كذا باش يخبيو الحقيقة و لي هي انهم كايكرهو الفن بوان فينال ! و هاهي أغنية البولماني جات باش تأكد هاد القضية التي لا غبار عليها ، هاهي أغنية بكلمات عادية، بألحان جميلة، بلا عري، بلا شطيح ، و ماكاينش فيها حس المرا ! دراري بيناتهم ناشطين و كايغنيو ! غير الشوفة فيهم كاتخليك تنشط تانتا و تفرح ! كايدوزو ليك جرعة ديال السعادة فابور ! و هاكاك الخوانجية ماعاجبهمش الحال ! ضاربين الطم ! ساكتين و مخبيين فالجحور ديالهم هاد الايام كايرددو ديك الجملة ديالهم الشهيرة ” الله المستعان” . ايه ! الخوانجية لي كايعرفو يخرجو من الغيران و يبينو على نيابهم غا فاش كايكون شي حوار على الورث ! و لا فاش كايلقاو منين يدوزو لشي ممثل و لا مغني و لا فنانة و لا صحفية … كاينوضو ديك الساعة كلهم يغاوتو نحن دولة اسلامية ! كيف يعقل ! واااا معتصماه ! وااا اسلامااه ! ! شوفو الشوبي يسب النبي آدم يستحق القتل ! شوفو لطيفة احرار كاتلعب بالقرآن تستحق الرجم ! شوفو عصيد يتجرأ على النبي كافر يستحق اشد العقاب ! شوفو هاد البنات عريانات تفو عليهم القحبات يزرعن الفتنة بين صفوف المسلمين ! وا فينما كاين شي نباص كاتكونو نتوما الاولين حاضرين ! فين ماكاين شي ضلام و شي تخلف و شي دم و شي تحريض بالعنف نتوما الاولين فيه ! و دابا فاش بانت اغنية خلات المغرب كامل يهضر عليها مخبعين دايرين عين ميكة ! زعما ماشفتو والو ! والو ! مابانش ليكم النشاط لي خلقات ؟ ماحملتوش دوك الدراري لي ناشطين مع اغنية البولماني ! ماكرهتوش تشوفو شي فيديو آخر فيه دوك الدراري زاهيين على اغنية يا طيبا يا طيبا يا داوا العيانااااا ! هههه ايوا دوماج بوغ فو ميزامي ! المغرب هوا هادا ! بلاد النشاط و الزهو و العيوط و العلوة و مولاي الطاهر، و المغاربة كايغنيو و كايجيبو لي يغني ليهم فعراساتهم و ختاناتهم و سبوعاتهم فگاع المناطق ! لاكنتي خوانجي عروبي راه جدودك كانو كايتسنطو لنتي و نتي لي كويتيني واااا حاي وا مولاي الطاهر راتا والي ! و لا كنتي خواجي جبلي راه جدودك كانو كايغنيو جيبولي زاين الجبل جيبوه بالغيطة و الطبل …و لاكنتي خوانجي فاسي عندك الآلة فالدم ! ! و منين ماكنتي فالمغرب كون متأكد انه جدودك كانو كايغنيو و كايبغيو الفن و الغنا ! لاماكانش عندك شي جد كوامانجي نيت و لا شي ولا شي جداك شيخة… هاد سياسة النعامة لي داروها الخوانجية فاش بانت اغنية البولماني ! كاتبين بزاف ديال الحوايج ! الحاجة الاولى انه الخوانجي كايكره مظاهر الفرح ! الحاجة الثانية ! الخوانجي عدو الفن ! الحاجة الثالتة للخوانجي مغسول الدماغ غالط فالصورة الحقيقية للمغرب و كايصحابو المغرب فحال السعودية ! نسا مسكين بلي المغاربة شعب موسيقي كايموت على الموسيقى ! و ماشي حيت نجحتو تاكلو للناس دماغها بقال الله قال الرسول راه صافي درتوهم فكرشكم ! وا راه الموسيقى يا بالهبيل رافقات جدودك فاش كانو كايحشو يرني باش ياكلوه ! الموسيقى راها جزء كبير و مهم من الحضارة المغربية، و ماشي غير جزء مهم ! راه لاكاينة شي حاجة كاتبين اننا دولة دازو منها حضارات عريقة راه هوا التنوع الموسيقي لي عندنا بالاضافة للمطبخ العظيم لي كاتمتاز بيه هاد البلاد ! آجي نتا يا الخوامجي لي يا الله قطر بك السقف و بغي تمسح الفن من عقول المغاربة ! تما بقيتي
