سكوب. المغرب لاعب العشرة والشرويطة فالساحل والصحرا. كيفاش غادي يعوض فرانسا فمالي بعد ما نقدها شحال من ضربة

استقرار المغرب مرتبط بالاساس باستقرار منطقة الساحل. اعلان المغرب قطع علاقاته مع ايران بسبب تدريب قادة من حزب الله للبوليساريو ثم تسليحهم واعتقال اكبر ممول للحزب الموالي لايران في افريقيا كلها مؤشرات على دور المغرب فهاد المنطقة. ماشي اي دور. المغرب لاعب العشرة وبالشرويطة.
وفق مصادر “كود” فان المغرب اللي سبق ليه نقد فرانسا اكثر من مرة من هجومات ارهابية في المنطقة خاصة فالساحل بمالي هو الدولة الوحيدة اللي ممكن ضابطة هاد الملف. متفوقة فهاد الشي حتى على فرانسا اللي نازلة بقواتها فعملية اطلقت عليها “باراخان” واللي كل نهار كتبين محدوديتها وعدم فعاليتها.
فرانسا هي القوة العسكرية فهاد المنطقة ولكن مع الضربات المتتالية صعيب تبقى فمالي. الدولة المؤهلة باش تقدر دير دور فاسترجاع الامن والحفاظ عليه هو المغرب. عندو الامكانيات العسكرية والموارد البشرية لهاد الشي. الدولة اللي قادرة تعوض هاد المغادرة المحتملة للفرنسيين في غضون الاشهر الثلاثة المقبلة توضح مصادر “كود”.
الجزائر اللي كانت قوة مريضة بمرض رئيسها. ضعافو بزاف ودابا ما عندهمش خيار الا ينسقو مع المغرب ايلى بغاو يحافظو على الامن عندهم وعندنا. كما ان دورهم فمالي فشل ومبادراتهم لعودة السلام ما نجحاتش.
قوة المغرب كذلك من دوره كذلك في الملف الليبي. ماشي غير من خلال اتفاق الصخيرات اللي رعاتو الامم المتحدة بل من خلال علاقاته مع عدد من اطراف النزاع. هاد الملف غادية فيه الرباط دقة دقة.
هاد الملف الاستراتيجي للمغرب هو الاهم لاستقراره. هاد الشي علاش لاعب فيه اوراق كثيرة ودقة وحدة