المتهمة للمجرد بالاغتصاب “لورا” فحوار تنشره كود كاملا: انا مصدومة وشحال من ضحية مازال خاص يغتصبها لمجرد باش يدخلوه للحبس

صحيفة “نيس ماتان” الفرنسية دارت حوار مع الضحية المزعومة “لورا بريول”، الي كانت اتهمات سعد لمجرد بالاغتصاب والتعنيف ف 2016، وهادشي بعدما مرة اخرى الشرطة الفرنسية اعتاقلات المغني المغربي بعد ان وجهات ليه فرنسية تهمة اغتصابها، والقضاء الفرنسي قرر الافراج عليه نهار الثلاثاء، مع عدم السماح ليه بمغادرة البلد.
وها الحوار الي دار بين بريول والصحفي:
* كيفاش حسيتي فاش عرفتي ان سعد لمجرد قريب حداك فاقليم “فار”؟
– تشوكيت وتعصب ومافهمت والو… ياك القضاء فرض عليه يبقى بمنطقة باريس.
* شنو كيعني بالنسبة ليك هاد “اطلاق السراح”، بعد هاد الاتهام الجديد بالاغتصاب؟
– ماكنفهمش القضاء الفرنسي… شحال من ضحية خاص يغتاصب باش يحلو عينيهم ويحبسوه؟
*واش قضية “سان تروبي” كتبانليك بحال قضيتك؟
– طبعا، فالقضيات بجوج، وقع هادشي بالليل، وفاوطيل.
*شنو هي النصيحة الي تقدري تعطي لهاذ السيدة الي حتى هي كتقول ان لمجرد اغتاصبها؟
– كنتمنى متعرفش سميتها وتبقا “انونيم”، حيت انا عشت وكنعيش الجحيم… ولكن الا بغات هاذ الضحية تتاصل بيا، يمكنلها، وانا متأكدة اننا غنكونو اقوى بجوج.