المال مقابل الماستر. الوكيل العام بفاس اعتقل الأستاذ بطل لفضيحة اللّي نوضات قربالة

كما كان متوقعا، أصدر فهمي بوزيان الوكيل العام للملك لدى محكمة الاستئناف بمدينة فاس، مساء يوم الأربعاء، قرارا كيقضي بالمتابعة ديال أستاذ جامعي بكلية الحقوق والعلوم والاقتصادية بجامعة ظهر المهراز، فحالة اعتقال احتياطي، في انتظار إخضاعه فالمستقبل القريب لجلسات ديال الاستنطاق التفصيلي.
وجاء اعتقال هاد الأستاذ الجامعي اللّي كان هو المنسق ديال “ماستر المنازعات العمومية” اللّي قربلات الجامعة المغربية، أسبوع فقط من تأجيل الاستماع إلى المتهمين التسعة من قبل قاضي التحقيق اللّي عطاهوم مهلة ديال 5 أسابيع قصد إعداد دفاعم وتنصيب محامين للدفاع عليهم خلال المرحلة ديال التحقيق التفصيلي.
يشار إلى أن هاد القضية متابعين فيها 9 ديال المتهمين، ومنهوم واحد ادعى فتسجيل صوتي، تم تداوله على نطاق واسع، أنه كيقوم بالتدخل التدليسي فعمليات التسجيل فالمسلك ديال هاد الماستر، وهو طالب في نفس الجامعة، بالإضافة لشخص آخر كان كيقوم بالوساطة فارتكاب هاد الأفعال والذي لم يكن سوى إبن عم المتهم الرئيسي.