بالفيديو. أخنوش: لانقاش فتعليم عمومي مجاني وإجباري وبجودة عالية.. والقوانين مكدارش باش ترضي العواطف والاديولوجيات.. وبغينا اللغات الأجنبية تكون في متناول الجميع الفقير والغني

اكد عزيز اخنوش رئيس حزب التجمع الوطني للأحرار، ان المصادقة على مشروع قانون الإطار بمجلس النواب، هي خطوة أولية من أجل إصلاح متقدم للمدرسة المغربية، واضاف أن هاد القانون هو مكسب لولاد المغاربة، اللي من حقهم يستافدو من مدرسة عمومية ومجانية وبجودة عالية.
وزاد اكد الامين العام للاحرار، أن حزبه كان ديما متشبت بالمصادقة على هاد القانون، لأن تجويد التعليم من مسؤولية الحكومة والبرلمان والفاعلين السياسيين اللي عندهم غيرة على المستقبل ديال هاد البلاد.
وشدد أخنوش، ان القوانين ماكدارش باش ترضي العواطف والاديولوجيات لكن القوانين كتقاس بمصلحة المواطنين، وبالنسبة للاحرار مجانية وإجبارية التعليم لا نقاش فيها، واضاف: بغينا اللغات الأجنبية تكون فمتناول الجميع، لأن اليوم كاين اللي عندو الإمكانيات يقري ولادو فالبعثات الأجنبية، وهنا الامكانيات المادية كتلعب دور فادماج التلاميذ فسوق الشغل. وزاد ذات الزعيم: الفوارق اللغوية كتكرس الفوارق الاجتماعية.
وختم رئيس "الحمامة"، الفيديو قائلا: “مايمكنش نقبلو مزايدات حول اللغات الحية، لأن هاد النقاش حسمو الدستور، واعتبر أن اللغة العربية واللغة الأمازيغية هما اللغتين الرسميتين للبلاد، والدستور كينص كذالك على الانفتاح على اللغات الحية، واللي كيروج خطاب متشدد راه ماكيعرفش التاريخ المغربي، وباغينا نتبعو خطاب اللي فالحقيقة ماصالحش لينا. ودابا خاص نديرو كاملين مجهود باش نجحو هاد الاصلاح رغم الاكراهات والتحديات.. لان التعليم اولوية ولان لا عدالة اجتماعية بدون تكافؤ الفرص”.