واش غايتسبب هادشي فازمة دبلوماسية بين المغرب وباكستان.. إسلام آباد كتحقق فاستيراد السفارة المغربية 26 طن من سلعة معفاة من الرسوم الجمركية تحت حصانتها الدبلوماسية وبلا خبار الخارجية الباكستانية

موقع “باكستان اليوم” كشف ان وزارة الخارجية الباكستانية، طلبات معلومات من إدارة الجمارك الباكستانية بخصوص سلعة معفاة من الرسوم الجمركية استوردتها السفارة المغربية، باش يتأكدو من عدم إساءة استخدام الحصانة الدبلوماسية.
وحسب الموقع ذاته، فإن سفارة المغرب استوردات سلعة وزنها 26 طن يوم 16 غشت اللي فات، من ميناء جبل علي في الإمارات، مضيفتا أن الشركة المرسلة سميتها Alpha Shipping Ltd، وأن مركز أعمال سميتو Viglen House، استورد السلعة دون موافقة من وزارة الشؤون الخارجية الباكستانية، وداكشي علاش من بعد استجماع المعطيات غادي تفتح تحقيق فالموضوع.
اما السفارة المغربية في إسلام آباد فنفات هادشي كامل، وقالت انها ماطلبات ماستوردات هاد السلعة، واكدات أنها غادي تابع الأمر، واضافت ان السفير محمد كرمون حتى هو فتح تحقيق فهاد الشحنة.