إحاتارين مابغاش يلعب مع الهولنديين واصدم كومان

محمد إحاتارين الموهبة المغربية لي خلقت الجدل هادي جوج سيمانات، رفض يلعب مع المنتخب الهولندي، فاش عيط لو مدرب ديال الشاب.
هاد القرار اصدم الهولنديين خصوصا رونالد كومان، مدرب ديال المنتخب الاول، حيت كان كيظن بلي إحاتاربن غادي يختار هولندا.
لكن الرد جا بسرعة، عندما رفض هاد اللاعب يلبي الدعوة ديال مدرب الشبان لأقل من 21 عام فان دي لوي باش يلعب في ماتش قبرص في التصفيات المؤهلة إلى كأس أوربا.
الصحافة الهولندية أكدت بلي إحاتارين وجه ضربة قوية للاتحاد الهولندي بهاد القرار، وكتخوف من ان هاد اللاعب يدير بحال لي دار حكيم زياش فاش اختار يلعب مع المنتخب المغربي.
واخا الضغوطات لي تمارست على اللاعب المغربي، إلا أن إحاتارين بقا متشبت بقراره حتى يحسم على خاترو واش يلعب مع المغرب أو هولندا.
وحيد خاليلوزيتش، مدرب ديال المنتخب المغربي قاني حتى هو على هاد اللاعب وطالب من الجامعة باش توجدلو وريقاتو بالزربة حتى يكون مؤهلا قانونيا للعب مع أسود الأطلس.