فضيحة فمصر…فريق سنگالي رفض يواجه الزمالك بالإسكندرية والكاف فورطة.. مرتضى منصور: التحريض سباب هاد الأزمة

وقعت فضيحة كروية فمصر البارح السبت، بعدما رفضت جينيراسيون فوت السنغالي يلعب الماتش ديالو مع الزمالك المصري فملعب برج العرب فالاسكندرية، ضمن منافسات عصبة الأبطال الإفريقية.
الفريق السنغالي ما تقبلش يتحول الماتش من ملعب بيتروسبورت إلى برج العرب، بعدما اتخذ هاد القرار في 0خر لحظة.
الفريق السنغالي تحدى هاد القرلر، حسب مصادر صحافية مصرية، ومشا لملعب بيتروسبورت فتوقيت الماتش، باش يؤكد حضوره بالدليل القاطع، فالوقت الذي توجه الزمالك للاسكندرية.
تدخلات بزاف ديال الاطراف باش يقنعوا جينيراسيون فوت السنغالي كي يتراجع على قرار الرفض، واخا تعطاتلو بزاف ديال الحلول من الزمالك المصري منها يصيفتلو كار باش يهزوه من القاهرة وياخد ليه أوطيل بالاسكندرية لكن دون جدوى.
الفريق السنغالي استند على موقفو بعدم إخبارو بتغيير الملعب فالتوقيت المناسب ومصرا على قراره بخيار اللعب بملعب بيتروسبورت.
الاتحاد الإفريقي الكاف وجد نفسو فورطة حقيقية، واخا برر قرار تغيير الملعب لدواع أمنية امنية، لكن حينيراسيون فوت رد عليه بأن مصر دولة الأمن والأمان.
مرتضى منصور، رئيس الزمالك، أكد أن الفريق السنغالي ماغاديش يلعب الماتش اليوم الأحد، بعدما قرر الكاف تأجليه 24 ساعة بعد هاد الحادث.
رئيس الزمالك أكد فتصريحات تلفزيونية أن رئيس الفريق السنغالي غادي يرجع لبلادو بعدما رفض يلعب.
مرتضى منصور رجع سباب هاد المشكل كامل إلى بعض الاشخاص، لي حرضوا الفريق السنغالي باش ما يلعبش الماتش. هادشي لي واقع.

.