الكونگولي كاسونگو: ها المشاكل اللي عشتها فالوداد

القضية ديال اللعاب الكونگولي كابونگجو كاسونگو، اللي كانت جابتو الوداد من الزمالك ف اطار صفقة انتقال اوناجم للنادي المصري مازال ما بغات تسالي.
حيث كشف كاسونگو، في حوار مع قناة الزمالك، أن فشل تجربته بالوداد وعدم اكتمالها سبابو هو الخلافات المالية اللي كانت عندو مع المكتب المسير للفريق الاحمر.
وقال: “لقيت بزاف ديال الصعوبات مع الوداد، و خاصة الرئيس سعيد الناصيري اللي واخا اتفقت معاه على كاع التفاصيل إلا أنه لم يحترم بنود الكونطرا وكان باغيني نلعب معاهم فابور”.
مضيفا أن تاريخو وقيمتو ماسمحوش ليه يوافق على الشروط المهينة اللي اقترح عليه الناصيري ذاكشي علاش قرر يفسخ كونطرا د الاعارة ديالو من الزمالك للوداد اللي قال عليه انه كايعامل اللاعبين الأفارقة بطريقة خايبة.