اش من دور لمحمد بن زايد فدعم الياس العماري فضرب الاسلاميين بالمغرب؟ شوفو صورتو فتحقيق على الامارات =صورة وفيديو=

فيديو فشي شكل كيبين الياس العماري الامين العام السابق للاصالة والمعاصرة وللي كاع الدولة دعماتو باش يربح بنكيران امين عام العدالة والتنمية السابق فانتخابات 2016 وما قدرش.
الفيديو ترويجي لما سمته قناة « الجزيرة » تحقيقا بعنوان « استثمار على الرمال » قالو فيه وثائق وشهادات حصرية على الصناديق السيادية لابو ظبي ودبي اللي ختفات كيف قالت القناة بلا ما يعرفو فين مشات وعلى امور اخرى.
فهاد الفيديو كيبان الياس العماري لاول مرة ورا محمد بن زايد رجل الامارات القوي كيصفق. كان داك الشي فعز حرب السعودية والامارات ضد الاخوان المسلمين. هاد الصورة ماشي جديدة. هادي 6 سنين تقريبا. دابا كيبان هادو المشاريع اللي طلقهم فالاعلام وطلعو فشوش.
الياس العماري اكيد باع ليهم الوهم وقال ليهم غاديين نربحو البي جي دي فالمغرب. هاد الشي كيفسر خطابو اللي بناه.
دابا هاد العلاقة ما غاديش يبان منها والو. مستقبلا الامور تقدر تظهر.
الامارات بقات كدخل فشؤوننا الداخلية عبر الصحافة وعبر امور اخرى. ما كتحشمش. ضربة عطاتها للمغرب فملف ليبيا…