هادي خاص يسمعها اللي كيحكم المغرب اللي ما بغاوش يسدو المدارس ويغلقو الحدود على دول اوربية كثيرة. منظمة الصحة العالمية: اللي كيظن راسو ما معنيش ب”كورونا فيروس” راه كيرتاكب خطأ كبير واوربا ولات بؤرة الوباء

قال المدير العام لمنظمة الصحة العالمية تيدروس أدهانوم گبريسوس، الجمعة، اللي اللي كيظن راسو غير معني ب”كورونا فيروس” راه كيرتاكب خطأ كبير. هادي خاص يسمعها المغرب مزيان. الدولة دابا كتنسى باش تسد المدارس وتمنع التجمعات كلها. ففرانسا منعو التجمع اللي فيه اكثر من 100 واحد وفاسبانيا دارو حالة طوارئ لا بروك فالقهاوي لا فالبارات لا دوران فالباركي. حنا علاش مازال ما درناهاش. واخا 7 حالات اللي عندها راه الوقاية بحال هاد الشي ثمنو رخيص بزاف بزاف قدام ايلى الوباء نتاشر. ثقافيا كنعرفو المغاربة كيف دايرين.
ثم علاش المغرب ما سدش لحد الان حدودو مع منطقة اعتبرتها منظمة الصحة العالمية “بؤرة وباء فيروس كورونا المستجد، حيث يتم الإبلاغ عن حالات وفيات وإصابات أكثر من بقية العالم مجتمعة باستثناء الصين” يقول المدير العام لمنظمة الصحة العالمية، اللي زاد أنو “يتم الإبلاغ عن حالات أكثر كل يوم مما تم الإبلاغ عنه في الصين في ذروة تفشي الوباء”، مشيرًا، في المؤتمر الصحفي اليومي حول فيروس كورونا المستجد، إلى أن هناك 132 ألف حالة إصابة بالمرض من 123 دولة وإقليم، بالإضافة إلى 5 آلاف قتيل حتى الآن.
ايطاليا قتل فيها هاد الوباء 250 شخص ف24 ساعة.
فاش كنتسناو نسدو حدودنا اولا ومنعو التجمعات ثانيا. راه ايران اللي دگدگدها خرجات الجيش يمنع خروج بنادم. اش وصلنا لهاد الشي