رضوان الرمضاني كاعي على التخلف والكلاخ ديال “مي نعيمة” وأكد كون مكانتش مرا كبيرة كون خسر الهضرة: البلاد كتريب الا عندك شي غباء وشي فكر خامج جمعيه عندك -فيديو

الاعلامي رضوان الرمضاني عبر اليوم على الغضب ديالو الشديد من الفيديو ديال واحد السيدة سميتها “مي نعيمة” كدير الفيديوهات في يوتوب وبينات على الجهل الكبير ديالها ملي قالت أن فيروس كورونا ماكينش في المغرب.
الرمضاني قال أنه حشم منها لأنها كبيرة في السن أما يخسر معاها الهضرة ديال بصح. وأضاف في فيديو حطو في انستكَرام ديالو: “كون مكانت محتارم السن ديالك والله حتى نخسر الهضرة. الا عندك شي فم سديه في هاد الوقت. الا عندك شي غباء جمعيه في هاد الوقت. الا عندك شي فكر خامج جمعيه في هاد الوقت. البلاد كتريب والمغاربة مراض”.
صاحب برنامج “بدون لغة خشب” وبعدما سالا من “مي نعيمة” داز للمؤثرات وقال ليهم لي عندها شي فانز باغة تكبرو تخلي هادشي لمن بعد. لي عندها شي عقيقة ولا شي سبوع شي زبل تخليه لمنبعد الا باغين تعاونو هاد البلاد عاونوها الا مقادرينش ضربو ططططم”.
الفيديو لقا تفاعل كبير والرماني قدر يدوي بلسان بزاف ديال الناس لي عصبهم التخلف والهدرة الخطيرة لي قالت نعيمة.