إصابة طبيبة بفيروس كورونا بالمغرب فقنيطرة.. ومندوب الصحة ل"كود": حالتها الصحية مزيانة

تصابت طبيبة فقنيطرة، كتخدم فالقطاع العام، بفيروس كورونا المستجد، وهي دابا كاتلقى العلاج ديالها فمستشفى الإدريسي، فين كايتم استقبال مصابي الفيروس.
الطبيبة جاوها أعراض حادة ديال الفيروس، وشكات واش تكون تقاست بيه، خصوصا وأنها خالطات زميلة ليها من الرباط كانت فعلا مصابة بكورونا، وباش تقطع الشك باليقين، دارت الطبيبة القنيطرية التحليلات على الفيروس، وخرجو إيجابية.
وفتصريحو ل"كود"، قال محمود برحال، المندوب الإقليمي للصحة فقنيطرة، بللي "الطبيبة ماعندها حتى شي مشكل، وإصابتها طفيفة، وهي الآن فالسبيطار وبصحة جيدة".
ومن المتوقع يتم وضع كَاع الناس اللي اختلطو بالطبيبة فالحجر الصحي، ومن ضمنهم أطر بطبية وفرامية ومساعدين صحيين.