واش بصح ولا تابعة "البوز".. ابتسام مومني خرجات منها خلعة بعدما كتاشفو ان صاحبتها لي معاها فدار فيها كورونا -فيديو

ابتسام مومني مولات الكسوة ديال 6 المليون في مهرجان مراكش، خرجات منها خلعة بعدما كشفات التحاليل أن صاحبتها لي كَالسة معاها في الدار فيها كورونا.
ابتسام لي معروفة غير في مواقع التواصل الاجتماعي بخرجاتها المثيرة، دارت فيديو بلا ماكياج ومريضة وحالتها حالة وقالت أن البنت لي معاها في الدار، لقاو فيها فيروس كورونا.
من بعد يوماين رجعات بفيديو جديد كتقول أنها هي مافيهاش كورونا، وبيخير عليها، والنتائج خرجو سلبية.
الخرجة لي دارت ابتسام خلاتها محط تساؤلات وناس كثيرة سولوها واش فعلا صاحبتها تصابت بالفيروس ولا غير دارت هاد الهيلالة باش تلفت الانتباه، ودير البوز
View this post on Instagram
وصالني مساج من المستشفى في الليل قالو لي شنو كاين ???????? عفاكم ادعولي مع صاحبتي و كل المريضين بالكورونا ان شاءالله بدعواتكم من القلب ماتشوفون شر او مكروه في حياتكم ????????❤️
A post shared by Ibtissam Moumni – ابتسام مومني (@ibtissammomniofficiel1) on May 13, 2020 at 5:58pm PDT