خبار كيفرح.. جهة طنجة تطوان حطمات الروكور فعدد حالات الشفاء اليومية من كورونا.. تشافاو فيها 139 حالة غير هاد الصباح

علنات المديرية الجهوية لجهة طنجة تطوان الحسيمة، اليوم السبت، بللي تسجلو 139 حالة شفاء من فيروس طورونا المستجد فهذ 18 ساعة الأخيرة فالجهة، وهذا كيتعتبر أعلى معدل شفاء يومي كتحققو شي جهة مللي بدا الوباء.
وكشفات المديرية، فالصفحة ديالها على "فيسبوك"، أن الأمر كيتعلق ب119 حالة شفاء فمدينة طنجة، و20 حالة فالعرايش.
لكن فالمقابل، كتبقى طنجة تطولن هي الجهة اللي كتسجل، مؤخرا، نسبة مرتفعة ديال أعداد الوفيات، بحيث غير هذ عشر أيام اللخرة سجلات 4 وفيات غير بوحدها، فيحين أن الجهات الأخرى أغلبيتها ماسجلات حتى وفاة، بينما جهات قليلة سجلات وحدة ولا جوج فقط.