شِيفُورْ لنقل الأموات تقدم هاد الصباح للنيابة العامة.. بغا يخدم مطوّر وهرب جثة ميّت من فاس لتاونات في عز حالة الطوارئ الصحية

علمت "كود"، أن مصالح الدرك الملكي بسرية "بني وليد" بإقليم تاونات، أحالت صباح اليوم الإثنين، سائق سيارة لنقل الأموات، تنقل من العاصمة العلمية فاس إلى تاونات، بعدما حاول تهريب جثة ميّت في عز حالة الطوارئ الصحية، على النيابة العامة المختصة لاتخاذ المتعين قانونا.
ووفق ما كشفت عنه مصادر "كود"، فإن هاد الشيفور كان اتفق مع إبن الشخص المتوفى باش يهز ليه الأب ديالو من المركز الاستشفائي الجامعي الحسن الثاني بفاس، الذي توفي فيه، إلى مدينة تاونات باش يدفنو في مسقط رأسه بدوار السكوريين بجماعة بني وليد.
ووخا الإجراءات التي فرضتها السلطات العمومية، فإن هاد الشيفور ناض يهرب جثة ديال ميّت من فاس لتاونات، بعدما اتفق مع إبن المتوفي اللّي عندو ترخيص باش يدفن الأب ديالو فمقبرة ويسلان ففاس ماشي مكان آخر.