فيديو كيشرح شنو الفرق بين حالة الطوارئ الصحية والحجر الصحي واش غادي يتبدل فحياتكم على حساب فين ساكنين Publiée par Goud.ma sur Mercredi 10 juin 2020 اش نا هو الفرق بين حالة الطوارئ الصحية والحجر الصحي؟ حالة الطوارئ الصحية وضع قانوني كيمكن الدولة من الادوات باش يواجه "كورونا فيروس". فهاد التمديد عطى للولاة وللعمال ياخدو التدابير اللي تبان ليهم مناسبة لمنطقة نفوذهم الحجر الصحي اللي كتعني ما تخرجش من الدار الا بمبرر وهو اداة من هاد الادوات اللي جابتها حالة الطوارئ. دابا غادية تخفف تدريجيا اش كتعني المنطقة 1 او الخضرا وجوج اي الحمرا. هاد الشي دار فكاع الدول الاوربية: الصبليون دارو محطات من زيرو حتى ل3 وففرانسا دارو لخضر والليموني ولحمر. المغرب دار منطقة 1 اللي غاديين نسميوها خضرا و2 اللي غاديين نسميوها حمرا. هاد التقسييم بمني بالاساس على الحالة الوبائية. وزارة الصحة دارتو على حساب عدد الحالات للي فيهم كورونا فيروس ونسبة انتقال الفيروس وعدد الحالات اللي تشافات… طبعا للجنة اللي فيها الداخلية والصحة تخلي مدينة فالمنطقة الحمرا تولي فالمنطقة الخضرا. يعني كلشي اليوم بيد المواطنين. هاد مدن المنطقة الخضرا 1 اللي تخفف فيها الحجر اش كيعني تخفيف الحجر الصحي؟ يتحرك الاقتصاد. الصناعة والتجارة والصناعة التقليدية والمهن الحرة والبيع والشرا وترجع الاسواق فالعروبيات. هاد الشي ما فيهش لقهاووي والريسطورات ولحماحم والمسرح والسينما. هادو غاديين يبقاو مسدودين هاد التخفيف فالمنطقة الخضرا غادي يكون كثر. ورقة لمقدم ما بقاش صالحة للي يتحرك فنفس العمالة او الاقليم والطوبيسات والكيران والطاكسيات والترام يخدمو ولكن غير ب50 بالمائة من طاقتهم. باش يكون التباعد بغيتي تمشي من مدينة لمدينة فالجهة غير بلاكارط ناسيونال الحلاقة غاديين يفتحو ولكن ايلي عندك جوج كراسى غادي تخدم غير بواحد اي 50 بالمائة الجرادي غاديين يتفتحو بحال الفضاءات العمومية يمكن ليك تتريض ولكن فالفضاء العام المفتوح فهاد الفترة ما كاينش التجمعات ولا الاجتماعات ولا لعراسات ولا لكنايز فالمنطقة الحمرا اللي سماوها رقم 2 خاصك رخصة استثنائية باش تتحرك المحلات يفتحو ولكن يسدو مع 8 دالعشية التراسبور حتى هو بحال المنطقة 1 عمالة وأقاليم جهة الشرق أقاليم جهة بني ملال-خنيفرة أقاليم جهة درعة-تافيلالت عمالتا وأقاليم جهة سوس-ماسة أقاليم جهة كلميم-واد نون أقاليم جهة العيون-الساقية الحمراء إقليما جهة الداخلة-وادي الذهب عمالة المضيق-الفنيدق إقليم تطوان إقليم الفحص-أنجرة إقليم الحسيمة إقليم شفشاون إقليم وزان عمالة مكناس إقليم إفران إقليم مولاي يعقوب إقليم صفرو إقليم بولمان إقليم تاونات إقليم تازة إقليم الخميسات إقليم سيدي قاسم إقليم سيدي سليمان إقليم سطات إقليم سيدي بنور إقليم شيشاوة إقليم الحوز إقليم قلعة السراغنة إقليم الصويرة إقليم الرحامنة إقليم آسفي إقليم اليوسفية ها المنطقة الحمرا اللي سماوها 2 عمالة طنجة-أصيلة إقليم العرائش عمالة فاس إقليم الحاجب عمالة الرباط عمالة سلا عمالة الصخيرات-تمارة إقليم القنيطرة عمالة الدار البيضاء عمالة المحمدية إقليم الجديدة إقليم النواصر إقليم مديونة إقليم بنسليمان إقليم برشيد عمالة مراكش
