ازمة كورونا. الجمعية الوطنية للاعلام والناشرين تولدات معاقة وغادية تزيد فالانتقاسات. رئيسها باع جرائدو

افاد بيان خرج قبل قليل على تأسيس "الجمعية الوطنية للاعلام والناشرين". الجمع التأسيسي كيف علنو عليه بغى يعطي الرئاسة لعبد المنعم دلمي. الصحافي والناشر المعروف مؤسس "ايكو ميديا" ناشرة "الصباح" و"ليكونومسيت". الناشر يالله باع مجموعتو للبناني المجهول فالقطاع نادر مولوي مول "سينيرجيا".
هاد الجمعية بغات تعطي الرئاسة لوجه معروف ولكن وصلات معطلة. نقطة اخرى ان دلمي ووغيرو اعضاء ففيدرالية الناشرين المغاربة "لافميج" وفيها حتى اعضاء من فيدرالية كمال لحلو٬ هاد الشي غادي يزيد يضعف الناشرين كثر.
الناشرون محتاجين لتجمع جديد يدافع عليهم غير هو كيف بان اليوم ما غادي يدير الا يقودها على القطاع.
هاديك الهدرة الخاوية ديال تداعيات كورونا فيروس على القطاع وتخلق تكثل مهني يكون هو المحاور الرئيسي فقطاع الصحافة غير تعمار الشوارج.
هادو ما كيمثلوش الصحافة الرقمية او الورقية. كيمثلو جزء منها فقط لان هاد التجمع كيف وجد ما كانش همو القطاع ككل وهادا من حقو٬ بل مصالح جزء من هاد القطاع.
كان مشكل اخر هو ان ما تبدل والو. نفس الوجوه القديمة مازال حاضرة. تعني تشبيب هاد الجهاز بدا فاشل.
ثم نقطة اخرى تتعلق بالمصالح٬ كيفاش سبق لناشرين تشكاو من واحد كينزل عليه الاشهار كوحي وكيتفرض علي شركات تعطيه ولى مؤسس باغي يدير عملية انقاذ للقطاع.