الحصيلة الوبائية لكورونا فجهات وأقاليم المغرب: الوزارة قادات غلطتها وحسبات الوفاة اللي ماعلناتش عليها لبارح فجهة طنجة.. والجهة الشرقية قريب تولي خالية من الاصابات المؤكدة

اليوم، جهة كازا سطات هي اللي سجلات أكبر عدد دالإصابات بفيروس كورونا المستجد (75)، تابعاها جهة العيون الساقية الحمرة ب62 حالة، ثم طنجة تطوان ب52 حالة، ومراكش آسفي ب25، وفاس مكناس 23، والرباط سلا 5، وجهتي بني ملال خنيفرة والداخلة واد الذهب 2، ثم جهة كَلميم وادنون سجلات إصابة واحدة.
واليوم علنات المديريات الجهوية للصحة على تسجيل وفاة وحدة، فالوقت اللي الوزارة علنات على جوج، وهذا كيعني أن الوزارة عاودات حسبات الوفاة اللي تسجلات لبارح، وهذ الوفيات بجوج تسجلو فجهة طنجة تطوان.
بالنسبة لحالات التعافي، حالات الشفاء المعلن عنها اليوم تسجلات فمراكش آسفي (25)، وبلا شك الحالات الأخرى غيكونو تسجو فكازا والرباط اللي هذي كثر من جوج سيمانات مابقاوش يعلنو على التفاصيل، بحكم أن الجهات الأخرى ماسجلات حتى حالة شفاء.
جهة درعة تافيلالت وجهة سوس ماسة هوما الجهات الوحيدة اللي بقاو بدون إصابات، والجهة الشرقية قريب بدورها تتخلص من كورونا، بعدما بقات فيها غير حالة وحدة كتتلقى العلاج.
وهذو جميع المعطيات المتوفرة المتعلقة بالوضعية الوبائية فالجهات والأقاليم بالتفاصيل:
على المستوى الوطني: 11877 حالة (244+) – 220 وفاة (2+) – 8723 شفاء (67+) – 2934 حالة نشيطة (175+).
على مستوى الجهات والأقاليم:
جهة كازا سطات: جات فالمركز اللول ب 3340 حالة (75+) – 51 وفاة – 2322 شفاء – 284 حالة نشيطة.
الأقاليم: المحمدية 331، مديونة 167، النواصر 90، بنسليمان 85، سطات 68، برشيد 65، الجديدة 35، سيدي بنور 11.
عمالات كازا (1882 إصابة فالمجموع): البرنوصي 628، عين السبع الحي المحمدي 302، آنفا 282، مولاي رشيد 259، عين الشق 120، بن مسيك 100، الحي الحسني 96، الفدا 95.
آخر تحديث: الأحد 6 يونيو مع 18:00. (باستثناء مجموع الإصابات فالجهة المحسوب من النسبة المئوية اللي عطات الوزارة اليوم، وهو عدد تقريبي).
جهة الرباط سلا القنيطرة: جات فالمركز الثاني ب1922 حالة (5+) – 12 وفاة – 688 شفاء – 85 حالة نشيطة.
الأقاليم: الرباط 305، سلا 245، الصخيرات تمارة 151، القنيطرة 62، الخميسات 22، سيدي سليمان 1، سيدي قاسم 0.
آخر تحديث: الخميس 11 يونيو مع 18:00. (باستثناء مجموع الإصابات فالجهة المحسوب من النسبة المئوية اللي عطات الوزارة اليوم، وهو عدد تقريبي).
جهة طنجة تطوان الحسيمة: جات فالمركز الرابع ب 2079 حالة (52+) – 45 وفاة (1+) – 1341 شفاء (17+) – 693 حالة نشيطة (32+).
الأقاليم: طنجة 1461 (44+)، العرايش 329، تطوان 246 (8+)، وزان 26، الحسيمة 17، شفشاون 0.
آخر تحديث: اليوم السبت مع 18:00.
جهة مراكش آسفي: جات فالمركز الرابع ب1884 حالة (25+) – 54 وفاة – 1572 شفاء (25+) – 233 حالة نشيطة.
الأقاليم: مراكش 1426 (25+)، الرحامنة 252، الحوز 74، آسفي 78 ، شيشاوة 25، الصويرة 5، قلعة السراغنة 5، اليوسفية 0.
آخر تحديث: اليوم السبت مع 10:00.
جهة فاس مكناس: جات فالمركز الخامس ب1196 حالة (23+) – 27 وفاة – 1037 شفاء (2+) – 132 حالة نشيطة (21+).
الأقاليم: فاس 792 (23+)، الحاجب 138، مكناس 119، تازة 55، صفرو 47، إفران 20، تاونات 15، مولاي عقوب 8، بولمان 1.
آخر تحديث: اليوم السبت مع 18:00.
جهة درعة تافيلالت: جات فالمركز السات ب586 حالة – 4 وفاة – 581 شفاء – 0 حالة نشيطة (لا جديد).
الأقاليم: ورززات 503، ميدلت 52، زاكَورة 14، تنغير 10، الرشيدية 7.
آخر تحديث: اليوم السبت مع 18:00.
جهة العيون الساقية الحمرا: طلعات للمركز السابع ب347 حالات (62+) – 0 وفاة – 5 شفاء – 285 حالة نشيطة (62+).
الأقاليم: العيون 272 (61+)، طرفاية 71 (1+)، بوجدور 4، السمارة 0.
آخر تحديث: اليوم السبت مع 18:00.
الجهة الشرقية: جات فالمركز الثامن ب 201 حالة – 8 وفاة – 192 شفاء – 1 حالة نشيطة. (لا جديد)
الأقاليم: وجدة أنكَاد 72، بركان 55، الناظور 45، الدريوش10، تاوريرت 9، كَرسيف 8، فكَيكَ 1، جرادة 0.
آخر تحديث: اليوم السبت مع 18:00.
جهة بني ملال خنيفرة: جات فالمركز التاسع ب 143 حالة (2+) – 7 وفاة – 116 شفاء – 20 حالات نشيطة (2+).
الأقاليم: آزيلال 51، الفقي بنصالح 35 (2+)، خريبكَة 30، بني ملال 25، خنيفرة 1.
آخر تحديث: اليوم السبت مع 18:00.
جهة سوس ماسة: جات فالمركز العاشر ب 90 حالة – 7 وفاة – 83 شفاء – 0 حالة نشيطة. (لا جديد)
الأقاليم: إنزكَان آيت ملول 42، أكادير إداوتاوتنان 39، طاطا 4، تارودانت 3، اشتوكة آيت باها 2، وتيزنيت 0.
آخر تحديث: اليوم السبت مع 17:00.
جهة كَلميم واد نون: جات فالمركز حضاش ب 72 حالة (1+)، 1 وفاة – 47 شفاء – 22 حالات نشيطة (1+).
الأقاليم: كَلميم 46 – سيدي إفني 14 – آسا الزاكَ 1.
آخر تحديث: لبارح الجمعة مع 18:00. (باستثناء مجموع الإصابات فالجهة المحسوب من النسبة المئوية اللي عطات الوزارة اليوم، وهو عدد تقريبي).
جهة الداخلة واد الذهب: جات فالمركز اللخر ب11 حالات (2+) – 0 وفاة – 5 شفاء- 6 حالة نشيطة (2+).
الأقاليم: واد الذهب 11، أوسرد 0.
آخر تحديث: اليوم السبت مع 18:00