المواجهة بين البام والاحرار سخانت. التراكتور باغي لجنة تقصي الحقائق على تقرير لمفتشية المالية والحمامة: هاد التقرير ما كاينش وهادي حرب ضدنا

المواجهة بين البام والتجمع الوطني للاحرار سخانت. كلشي عاد مسموح بيه فهاد المواجهة. هاد الشي بدا من نهار خدا عبد اللطيف وهبي الامانة العامة لحزب الجرار. تماك بدا الضرب والجرح السياسي طبعا.
الحزب نشر فموقعو خبر مطالبتو ب"تشكيل لجنة تقصي الحقائق بالبرلمان حول فضيحة صفقة ال"ربع مليار" سنتيم على شي موقع كان دارتو وزارة الشبيبة والرياضة ايام كان عضو المكتب السياسي للحمامة رشيد الطالبي العلمي كيدير هاد الوزارة
الحزب طالب باش هاد اللجنة تشوف كاع اللي يقدر يكون اختلالات. هدرو على الجامعة الوطنية للتخييم واشرافها على عملية المخيمات بعد ابرام اتفاقية سنة 2019.
وهبي قال فتصريح لحزبو انو "وبمجرد اطلاعه على مضمون النقاش الذي عرفته لجنة القطاعات الاجتماعية بمجلس النواب الثلاثاء المنصرم بخصوص خلاصات تقرير مفتشية المالية، وما واكب ذلك من تقارير صحفية تناولت فضيحة إنشاء وزارة الشباب والرياضة لموقع إلكتروني بمبلغ 250 مليون سنتيم، وهو ما يتجاوز القيمة الفعلية للموقع الالكتروني الذي تم إنجازه بعشرة أضعاف، باشر الاتصال مع رئيس فريق الحزب بمجلس النواب وسيقوم بالتواصل مع قيادات عدد من أحزاب المعارضة من أجل التنسيق ودعم الطلب الذي سيتقدم به الحزب والمتعلق بتشكيل لجنة برلمانية لتقصي الحقائق"
واش بصاح هاد الشي كاين واش بصاح مفتشية المالية دارت هاد الشي؟ مصدر من حزب التجمع الوطني للاحرار نفى ل"كود" وجود هاد تقرير هاد المفتشية. المصدر قال ل"كود" ان هاد الشي داخل فحرب ضد الحزب وصافي.
دابا خاص مفتشية المالية توضح هاد الشي.