أسماء لمنور طفات شمعتها ال45.. وخوها شرا ليها كادو متميز

البارح السبت كان عيد ميلاد المغنية أسماء لمنور لي كملات 45 عام.
خوها ياسين لمنور لي هو في نفس الوقت مدير أعمالها، شرا ليها كادو متميز وهو بيكالة باش دير الرياضة في الدار.
وبحس فكاهي نشرات أسماء التصويرة في الكونط ديالها على انستكَرام، وعلقات "دابا هادا كادو أ خويا ولا كمدير الأعمال ديالي كتمعني لي انني غلاضيت".
ومع كورونا أسماء لمنور لي موالفة دير الحفلات والسهرات في الدول العربية وقفات النشاطات ديالها، وكَالسة في هاد الساعة في كازا مع ولدها إلى حين القضية تفك.