7 د اللاعابة من الرجا والمدرب السلامي والسفري غادي يغيبوا كونتر الجديدة

الرجاء البيضاوي غادي يكون محروما من خدمات 5 ديال اللاعابة في الماتش كونتر الدفاع الحسني الجديدي اليوم الاثنين، برسم الدورة التاسعة من منافسات البطولة.
الرجاء يعاني العديد من الغيابات الأساسية، من أبرزهم الكونگوليين فابريس نگوما وبين مالانگو، اللي مازال عالقين فالكونگو، بسبب فيروس كورونا المستجد، وبدر بانون اللي عندو 4 ديال الصفرات وإلياس الحداد، إضافة إلى غياب محمد الدويك ومحمد بنحليب، اللي مازال ما براوش من الاصابة، ومحمد المعكازي، غير المؤهل لخوض المباراة من الناحية القانونية، بعدما شارك فهاد الدورة بقميص المغرب التطواني.
الدويك وبنحليب مازال ما وجدينش باش يلعبوا، كما أنهما غير جاهزين للمشاركة في المباراتين المقبلتين على الاقل، بعد العملية الجراحية، اللي خضعوا ليها في قطر.
أما نگوما ومالانگوا، فسيعودان من الكونگو اليوم الاثنين، في انتظار التحاقهما بالتدريب الجماعية غدا الثلاثاء.
ومن المنتظر أن يغيب عن ماتش الجديدة كذلك المدرب جمال السلامي، الموقوف من طرف اللجنة التأديبية، وما شي بعيد يغيب حتى يوسف السفري، اللي محجور عليه بعدما تقاست والدته بفيروس كورونا