روكور جديد فهاد 24 ساعة.. 1776 مغربي تصابو بكورونا و21 ماتو و922 تشافاو.. الطوطال: 41017 مصاب و632 متوفي و28566 متعافي و11819 كيتعالجو

المغرب نهار على خوه كيحطم الروكور فعدد الإصابات اليومية بكورونا، بحيث علنات وزارة الصحة على تسجيل 1776 حالة فهاد 24 ساعة الأخيرة، ووصل المجموع ل41017، أي بمعدل إصابة تراكمي كيساوي 113 لكل 100 ألف نسمة.
وقال المسؤول على قسم الطوارئ فوزارة الصحة، معاذ المرابط، أن 87,5 فالمية من الإصابات الجديدة، أي 1554 حالة تحديدا، تسجلات فجهات كازا سطات، وبني ملال خنيفرة، وفاس مكناس، وطنجة تطوان، ومراكش آسفي، و64 فالمية تسجلات فمدن كازا ومراكش وبني ملال وفاس وطنجة.
وبالنسبة لمعدل الإصابة التراكمي فهاد 24 ساعة فبلغ 5 لكل 100 ألف نسمة، وكل جهة وشحال سجلات: 11 لكل 100 ألف نسمة فجهة كازا سطات، 7 فبني ملال خنيفرة، 5 فمراكش آسفي، 4 فطنجة تطوان، و3 فكل من فاس مكناس ودرعة تافيلالت.
وهكا توزعات الحالات على الجهات والأقاليم:
كازا سطات 802: 651 كازا، 41 برشيد، 40 مديونة، 33 المحمدية، 13 سطات، 8 نواصر، 6 الجديدة، 5 بكل من سيدي بنور وبنسليمان.
مراكش آسفي 256: 229 مراكش، 10 الصويرة، 8 الحوز، 4 الرحامنة، 3 آسفي، 2 اليوسفية
طنجة تطوان الحسيمة 157: 86 طنجة، 35 تطوان، 20 العرايش، 13حسيمة، 2 الفحص الأنجرة، 1 المضيق الفنيدق
الرباط سلا القنيطرة 69: 30 تمارة 25 القنيطرة، 6 الرباط، 4 سلا، 2 الخميسات وسيدي سليمان
فاس مكناس 159: 69 فاس، 33 مكناس، 26 بولمان، 15 الحاجب، 9 تاونات، 6 صفرو، 1 تازة.
بني ملال خنيفرة 180: 98 بني ملال، 51 آزيلال، 15 الفقيه بنصالح، 8 فكل من خنيفرة وخريبكَة.
درعة تافيلالت 51: 22 ورزازات، 16 زاكَورة، 6 تنغير، 4 ميدلت، 3 الرشيدية.
سوس ماسة 33: 27 أكَادير، 4 طاطا، 2 إنزكَان.
الجهة الشرقية 40: 19 الناظور، 16 وجدة، 2 تاوريرت، 1 بكل من جرادة وفكَيكَ وبركان.
الداخلة واد الذهب 16: بالداخلة.
العيون الساقية الحمرا 10: 7 بالعيون، 2 بوجدور، 1 السمارة.
كَلميم وادنون 3: 2 بكَلميم، و1 طانطان.
واليوم تسجلات 21 وفاة، 6 فكازا و4 ففاس و2 فمراكش وطنجة و1 فكل من الصويرة والرحامنة وبولمان والرشيدية وسلا وطانطان وأكَادير، وهكذا وصل مجموع المتوفين ل632.
فالمقابل تسجلات 922 حالة شفاء، ووصل الطوطال ل28566، بنسبة تعافي نزلات ل70 فالمئة.
والحالات النشيطة بلغ عددها اليوم 11819 حالة، أي بمعدل 32,5 واحد لكل 100 ألف نسمة.
و154 من الحالات اللي كتعالج فحالة خطيرة، منهم 71 تحت التنفس الاصطناعي (37 تنفس اصطناعي اختراقي و34 غير اختراقي)، وكيتواجدو 47 منهم فكازا سطات، 30 فطنجة تطوان الحسيمة، 29 فمراكش آسفي، 17 ففاس مكناس، 10 فالرباط سلا، درعة تافيلالت 11، سوس ماسة 5، الجهة الشرقية 4، وحالة وحدة فالداخلة واد الذهب.
واليوم تستبعدات 20931 حالة إصابة بالفيروس، ووصل مجموع ل1542217 خرجات تحاليلهم سلبية.
وهذا توزيع الإصابات على الجهات بالنسبة المئوية: