حصيلة كورونا فهاد 24 ساعة: 1221 مغربي ومغربية تصابو و27 ماتو و1315 تشافاو.. الطوطال: 57085 مصاب و1011 وفاة و41901 حالة شفاء.. و14173 كيتعالجو منهم 183 فحالة خطيرة

علنات وزارة الصحة، اليوم الخميس، على تسجيل 1221 إصابة بفيروس كورونا المستجد، وهكذا وصل المجموع ل57085، أي بمعدل إصابة تراكمي كيساوي 157,2 لكل 100 ألف نسمة، بينما معدل الإصابة فهذ 24 ساعة بلغ ل3,4.
وحسب الحصيلة الوبائية اللي قدمها معاذ المرابط، منسق المركز الوطني للطوارئ العامة فوزارة الصحة، فهذ الحالات كتتوزع على الجهات والأقاليم كما يلي:
كازا سطات 421: 306 كازا، 39 الجديدة، 29 المحمدية، 18 سطات، 4 مديونة، 2 بنسليمان.
مراكش آسفي 194: 126 مراكش، 34 قلعة السراغنة، 18 شيشاوة، 11 الرحامنة، 5 اليوسفية.
فاس مكناس 178: 77 فاس، 34 مكناس، 25 تازة، 13 إفران، 8 تاونات وبولمان، 5 الحاجب، 4 مولاي عقوب وصفرو.
بني ملال خنيفرة 27: 13 بني ملال، 11 از، 2 خريبكَة، 1 خنيفرة.
الرباط سلا القنيطرة 100: 28 الصخيرات، 21 الرباط، 14 سلا وسيدي قاسم، 11 سيدي سليمان، 9 القنيطرة، 3 الخميسات.
درعة تافيلالت 66: 30 ورززات، 27 رشيدية، 6 تنغير، 3 زاكَورة.
طنجة تطوان الحسيمة 83: 41 طنجة، 28 تطوان، 7 المضيق الفنيدق، 5 العرايش، 2 الحسيمة.
الجهة الشرقية 49: 22 كَرسيف، 19 وجدة، 3 الناظور، 2 بركان وتاوريرت، 1 جرادة.
سوس ماسة 71: 52 أكَادير، 16 إنزكَان، 1 طاطا وتيزنيت وشتوكة آيت باها.
الداخلة واد الذهب 13: بالداخلة.
العيون الساقية الحمرا 6: 3 العيون، 2 السمارة، و1 طرفاية.
كلميم واد نون 13: 8 طانطان، 4 سيدي إفني، 1 آسا.
وتسجلات 27 وفاة فهاد 24 ساعة، 8 فكازا، 3 فمراكش وفاس، 2 فصفرو طنجة، ووحدة فكل من مكناس وشفشاون وتطوان وشيشاوة وأكَادير وإنزكَان ووجدة وبني ملال وتنغير، وهكذا وصل المجموع ل1011، بنسبة فتك ديال 1,8 فالمية.
وحتى اليوم كاين ارتفاع فعدد حالات الشفاء من الفيروس، بحيث براو 1315، ووصل الطوطال ل41901 حالة، بنسبة تعافي ديال 73,4 فالمية.
والحالات النشيطة بلغ عددها اليوم 14173 حالة، أي بمعدل 39 واحد لكل 100 ألف نسمة، وأعلى نسبة ديال الحالات النشيطة كاينة فكازا سطات 5891، تابعاها مراكش آسفي، ثم فاس مكناس، والرباط سلا، وجهة بني ملال ولا فيها أقل من 1000 حالة نشيطة، بينما كيبقى أقل عدد فالعيون الساقية الحمرا 53 وكَلميم وادنون 51 .
و183 من الحالات اللي مازالة كتعالج فالإنعاش، 44 منهم تحت التنفس الاصطناعي الاختراقي.
وكشف المرابط أنه رغم هاد الأرقام كاين أمل فتجاوز هاد المرحلة الصعبة، بحيث معدل تفاقم الفيروس اليوم هبط ل0,98، و"إلى استمر فالانخفاض هذا كيعني أننا غاديين فمنحى تنازلي، وأننا ممكن فذروة الوباء، ومن بعد غنتجاوزوها شوية بشوية، بحيث فبداية غشت كان المعدل 1,38، وبعد رفع الحجر تجاوزنا 2، ودابا هبط على واحد" على حساب ما قال.
وفالمقابل قال المرابط أن المعدل اللي كيحدد حجم الحالات المصابة بالفيروس بشكل دقيق هو معدل الإصابة التراكمي، ولذالك كيخص المواطنين يلتزمو بتدابير الوقاية ويحميو راسهم.
واليوم تستبعدات 20788 حالة إصابة بالفيروس، ووصل مجموع ل1789175 خرجات تحاليلهم سلبية.
وهذا توزيع الإصابات على الجهات بالنسبة المئوية: