بعد السيب جا الشطط. راه خاص تطبيق القانون ماشي الشطط فاستعمال السلطة كيف واقع فكازا

الاخبار اللي جاية من كازا من بعد خطاب ثورة الملك والشعب الاخير خايبة. بعد ما كان التسيب ولى الشطط. شهادات مواطنين وصحاب مقاهي ومطاعم كاعيين.
البارح فمطعم "كابيستون" المعروف بالعنق فكازا دخل البوليس. شهادة اشخاص بحال مجيد بنسليمان كتهدر على رجال امن دخلو للمطعم وكان بارك مع مراتو كياكلو. على ما قال٬ وجاهم البوليس وقال ليهم غاديين تخلصو 300 درهم للواحد على حساب لكمامة. نشر الوثيقة اللي فيها الذعيرة.
الشخص اللي قال باللي باش قال للبوليسي وكيفاش يمكن لي ناكل بالكمامة هددو يديه للكومسيارية. هادي شهادتو فانتظار رواية الامن.
فنفس المطعم زممو ل35 زبون كل واحد 300 درهم. يعني غير مطعم فوقت قصير داو عشرة الاف و500 درهم. هاد الشي تكلف بيه مطعم الكابيستون. رجع ليهم فلوسهم حسب شهاداتهم اللي طلعات عليها "كود".
فمقهى لومارلي اللي كاينة تقريبا فتقاطع المسيرة الخضراء انفا عبد الكريم الخطابي وحدا "بول" وقع نفس الشي مع الزبناء. قهاوي خراين عاشو نفس الفيلم.
مواطنة وسياسية تلاقاوها البوليس جاية مع العشرة الليل سولوها اش هاد الساعة. بعني دخلو فامور لا تخص اهتماماتهم. هي انتقلات بين احياء كازا وهاد السؤال خطير. السياسية باش عرفوها ولاو كيطلبو. كاين مشكل الشطط قالت ليهم. الشطط فاستعمال القانون.
شفنا فيديو بوليسي تبع مواطن فالبحر. على يجري عليه٬ ضربو. صورة خايبة على البلاد. شدو وديرو معاه القانون
دابا كيفاش لبلاد كانت مطلوقة كلها يلغي بلغاه. جا خطاب رئيس الدولة بعد الارتفاع الملحوظ لحالات الاصابة بكورونا فيروس السلطة تبدلات. راك انتي يا السلطة اللي ما كنتيش كطبقي القانون. اجبارية الكمامة راها ماشي غير اليوم٬ علاش ما عمركي طبقتي القانون وبعد الخطاب عوض التطبيق ديالو ولى نوع من الشطط. هاد الشي خطير على البلاد.
كلشي مضروب على القرص. الازمة ضاربة كلشي. النفسية مقودة بزاف. خاص تطبيق القانون باحترام. خاص رجل السلطة يبقى يثيق فيه المواطن. راه كلشي اللي حرثوه القياد بداية الحجر وهاد الجايحة دكوه نفس القياد دابا. الشطط اللا