خرج قرار كيمنع عزل الطاكسيات االلي ماكتحترمش نقطة الانطلاق فالفوريان

قرار عاملي جديد صدر هذ الأسبوع، غيمنع الإذن بعزل الطاكسيات الوافدة اللي مكتحترمش نقطة الانطلاق فالفوريان.
وحسب القرار رقم 3690 الصادر بتاريخ 5 أكتوبر 2020، فالقرار العاملي رقم 203 بتاريخ 20 فبراير 2018، المعدل للقرار رقم 2907 المتعلق بشروك استغلال سيارات الأجرة من الصنفين اللول والثاني وتقنين مهنة، (هذ القرار) صبح ملغي، وبالتالي ماغايبقاش الأمر بحجز الطاكسيات اللي مكيلتزموش بالانطلاق من المحطة ديالهم.
وغيصبح دابا العمل بالقرار 2907 الصادر بتاريخ 28 مارس 2017، المتعلق بشروط استغلال الطاكسيات بنوعيها بجوج، مع إلغاء التعديل اللي كان ف2018.
وسبق للشوافريا ديال الطاكسيات الكبار دارو احتجاجات فكازا، وطالبو بلقاء العامل، وكان من أبرز مطالبهم يتحيد قرار حجز العربات ديالهم فالفوريان البلدي، إلى هوما وقفو فشي بلاصة أو هزو الناس وسط الطريق، وماشي من المحطة