دوزيم معولة على الرمضاني وترابي وگولحسن ولغماري وزماگرية باش تگعد نسبة المشاهدة وتجيب جمهور جديد

علنات شركة "صورياد دوزيم" على إنتاجها لبرنامج جديد غيقدمو الصحافي بإذاعة "ميد راديو"، رضوان الرمضاني، بعنوان "مع الرمضاني".
وهذشي بالإضافة لبرامج أخرى حوارية وإخبارية كثيرة، بحال "نكونوا واضحين" لجامع كلحسن، و "On n'est pas obligé d'être d'accord"، المجلة الفرنسة اللي غتقدمها زماكرية اسمها حنان الحراث، بالإضافة لصيغة جديدة من برنامج "Confidences de presse" اللي كيقدمو عبد الله ترابي. غدا لاربعا غادية تكون اول حلقة وغادي يستاضف فيها نبيل بنعبد الله، وبرنامج جديد لصلاح الدين الغماري بعنوان "صوتكم".
وحسب بلاغ للشركة، ف"دوزيم" غادي تعتمد عل صيغة جديدة فتعامل مع الخبر فالنشرات الإخبارية، كيف غدي تركز على التحليل وتجيب ضيوف، وتساعد المشاهدين على فهم خلفياتو وتطوراتو.
ومن بين هذه البرامج الجديدة، برنامج "مع الرمضاني" الذي يقدمه رضوان الرمضاني كل احد مع السبعة وفيه شي نص ساعة، والبرنامج الحواري الجديد "نكونو واضحين" من تقديم جامع كلحسن اللي غادي يكون ليلة كل اربعاء وغادي يكون مرة ف15 يوم، والمجلة الحوارية باللغة الفرنسية "On n'est pas obligé d'être d'accord" تقدمه الزماكرية اللي كتخدم فهاد القناة حنان حراث، وبرنامج "Confidences de presse" الذي يقدمه عبد الله ترابي بصيغة جديدة واللي غادي يولي كل لاربعا بالتناوب مع برنامج جامع كلحسن، بالإضافة إلى برنامج الاسبوعي "صوتكم" التي يقدمها صلاح الدين الغماري.