العام الجديد دخل بفال الخير على صحة المغاربة.. "استرازينيكا" هو الفاكسان اللول لي غايديروه المغاربة والترخيص فهاد السيمانا

المغاربة كيستناو الخبر السار ديال الفاكسان، وزارة الصحة حاليا مزال معلنتش على موعد محدد. لكن المعطيات والمؤشرات كقتول بلي سيتم الترخيص على لقاح واحد على الأقل في غضون أيام قليلة. من بعد عاد يجي الثاني.
حاليا كاين استرازينيكا، اللقاح ديال جامعة اكسفورد، هو باش غادين يبداو هاد الاسبوع غايتعطا ليه الترخيص، هاد الترخيص وثيقة ضرورية باش يتم استعمال الفاكسان وتعميم التلقيح.
أما اللقاح الثاني، مزال شويا ديال الوقت حيث خاص التفاوض امتى نجيبوه وفين نخزنوه وتوزيع وخدمة كبيرة كتحتاج وقت.
ملف الترخيص ديال الفاكسان استرازينيكا تقبل، حيث هاد يومين نقدرو نشوف الترخيص الرسمي تصدر.
أما ملف الترخيص ديال سينوفارم، غايكون طلب غايجي من شركة سينوفارم للمغرب، وغايتم دراستهم فالايام المقبلة.
بشرى مداح مديرية الأدوية والصيدلة، لي مبغاتش تجاوب الصحافة، وهي فعلا مشغولة، ولكن راه مسؤولين مكيحكوش روسهم وكيجاوبو، هاد المسؤولة دارت اجتماع يوم الخميس بمشاركة عدد من الخبراء المغاربة.
وقالت بشرى مداح ، نقلا عن وكالة المغرب العربي للأنباء ، إن اللجنة الوطنية بحثت خلال هذا الاجتماع جميع المعلومات والبيانات الدولية المتعلقة بلقاح أسترا زينيكا المضاد لفيروس كوفيد -19 ، مشيرة إلى أن اللجنة تدرس الامتثال المناسب ل معايير تصنيع اللقاح والسلامة والجودة والفعالية ونتائج التجارب قبل السريرية والسريرية بالإضافة إلى الاعتراف الدولي بهذا اللقاح.